ЦХИНВАЛ, 21 ноя - Sputnik. Хуссар Ирыстоны президент Бибылты Анатолий схорзӕхджын кодта генералон прокуратурӕйы кусджыты паддзахадон хорзӕхтӕй – майдантӕй "Фыдыбӕстӕ Хъахъхъӕнӕгӕн" ӕмӕ "Хуссар Ирыстоны сабырдзинад бахъахъхъӕныны тыххӕй", хъусын кӕны паддзахады сӕргълӕууӕджы пресс-секретарь Гасситы Дина.
"Алчидӕр уӕ равдыста хъӕбатырдзинад. Патриотикон ахаст уӕ паддзахадмӕ ӕмӕ службӕйон хӕслӕвӕрдты цӕсгомджын сӕххӕст уын дӕтты фадат хъахъхъӕнын бӕстӕ мидӕггагон ӕмӕ ӕддагон знӕгтӕй", - загъта президент хорзӕхкӕныны церемонийыл.
Генералон прокуратурӕйы кусджытӕн бӕрзонд хорзӕхтӕ радтой хайадисты тыххӕй сӕрмагонд оперативон мадзӕлтты, кӕцыты фӕстиуӕгӕн республикӕйы хъусдардмӕ райстой Знауыры районы Уисты (Цънелис) хъӕу, афтӕ ма бӕрзӕнд 944, 8.
