ЦХИНВАЛ, 21 ноя - Sputnik. Хуссарирыстойнаг самбисткæ Ксения Дьяченко рамбылдта дыууæ майданы ЦКФЗ фыццагады Нальчикы, хъусын кæны республикæйы фæсивæдон политикæ, спорт æмæ туризмы комитеты пресс-службæ.
Ерысты фыццаг бон тренер Тъуриты Тенгизы хъомылгæнинаг тох кодта 2000-2001 æзты гуырд спортсменкæты хсæн. 17-аздзыд чызг ныббырста йæ ныхмæлæуджыты æмæ рамбылдта сыгъзæрин майдан 56 кг онг уæзы категорийы.
Ерысты дыккаг бон Дьяченко рахызт йæхи кары категоримæ æмæ бацахста æртыккаг бынат кады пьедесталы.
"Тынг райгондæй баззадтæн Ксенияйы ралæудæй. Йæхицæй хистæр спортсменкæты рамбулгæйæ æнхъæлмæ кастæн, йæхи кары хсæн дæр кæй суыдзæн фыццаг, фæлæ фыццаг бон ныццавта йæ къух æмæ йын нал бантыст сфæлхатт кæнын йе 'нтыст", - банысан кодта тренер.
Ацы уæлахиз фадар радта Ксенияйæн йæ тыхтæ бавзарын Уæрæсейы фыццагады.
