Хуссар Иры Ахуырады министрады радзырдтой, цас адаргъ уыдзысты каникултӕ

© Sputnik / Наталья АйриянХуссар Иры Ахуырады министрады радзырдтой, цас адаргъ уыдзысты каникултӕ
Хуссар Иры Ахуырады министрады радзырдтой, цас адаргъ уыдзысты каникултӕ - Sputnik Хуссар Ирыстон
Рафыссын
Хуссар Ирыстоны скъолаты зымӕгон каникултӕ адаргъ уыдзысты дыууӕ къуырийы, республикӕйы фыццагкъласонтӕм та ӕнхъӕлмӕ кӕсы улӕфты уӕлӕмхасӕн къуыри

ЦХИНВАЛ, 28 ноя — Sputnik, Гӕбӕраты Элина. Хуссар Ирыстоны ахуырадон организациты зымӕгон каникултӕ райдайдзысты 30 декабры ӕмӕ адаргъ уыдзысты 12 январьмӕ, фехъусын кодтой Sputnik республикӕйы Ахуырады министрады.

Бӕрӕгбон нӕм ӕрцӕуы - Sputnik Хуссар Ирыстон
Бӕрӕгбон нӕм ӕрцӕуы: Хуссар Иры улӕфт бонты тыххӕй

Уагдоны бафтыдтой, уалдзыгон каникултӕ та ацы ахуырадон азы кӕй адаргъ уыдзысты фараст боны – 23-ӕй 31 мартмӕ. Хуссар Ирыстоны фыццагкъласонтӕм ӕнхъӕлмӕ кӕсы улӕфты уӕлӕмхасӕн къуыри 17-ӕй 23-ӕм февральмӕ.

Ногазон каникултӕй дарддӕр улӕфт бонтӕ уыдзысты 23 февралы, 8 марты, 1,9 ӕмӕ 29 майы, 12 июны, 26 августы, 20-21 сентябры ӕмӕ 23 ноябры.

Фидӕн ахуырадон аз Хуссар Ирыстоны ахуырадон организациты райдайдзӕн 5 сентябры. Зонындзинӕдты боны датӕ скъолаты раивтой республикӕйы президенты барамындӕй 2018 азы. Ацы уынаффӕ баст у Беслӕны теракты афӕдзы боны фӕдыл фыдохы бонтимӕ. 2004 азы 1 сентябры террористтӕ систой амынӕты 1128 адӕймаджы ӕмӕ сӕ дардтой скъолайы спортивон залы ӕртӕ боны. Трагедийы фӕстиуӕгӕн фӕмард 334 адӕймаджы.

Ахуырады министрады бӕрӕггӕнӕнтӕм гӕсгӕ, 2019 азы Хуссар Ирыстоны уыд 509 рауагъдоны, 2018 азы – 435, 2017 азы та – 453. Иумӕйагӕй республикӕйы столицӕ ӕмӕ районты ис 53 астӕуккаг скъолайы.

Ног хабӕртты лентӕ
0