Рахызтысты фӕтыхджындӕргонд режиммӕ: Хуссар Иры УУМ зынгсирвӕзтты уавӕры тыххӕй

© МЧС РЮОЗынгсирвӕзт Цхинвалы цур бырондоны
Зынгсирвӕзт Цхинвалы цур бырондоны - Sputnik Хуссар Ирыстон
Рафыссын
Республикӕйы иу суткӕмӕ ӕрцыд 20 зынгсирвӕзты. Дарддӕр тох кӕнынц артимӕ республикӕйы столицӕйы цур бырондоны

ЦХИНВАЛ, 12 мар - Sputnik. Хуссар Ирыстоны столицӕ ӕмӕ дыууӕ районы зынгфӕдисон-ирвӕзынгӕнӕн къордтӕ ракодтой службӕйы фӕтыхджындӕргонд режиммӕ зынгсирвӕзтты нымӕцы фӕфылдӕры тыххӕй, фехъусын кодта Уӕлвӕткон уавӕрты министрады (УУМ) пресс-секретарь Тедеты Роза.

Йӕ ныхӕстӕм гӕсгӕ, фӕстаг суткӕйы дӕргъы сӕрмагонд техникӕ дыууын хатт ацыд зынгсирвӕзтты бынӕттӕм.

"Уымӕй дарддӕр, цӕрджытимӕ профилактикон мадзӕлттӕ ауадзыны нысанӕн, УУМ зынгфӕдисон ӕдасдзинадмӕ цӕстдарды хайады инспектортӕ уадзынц ӕмбарынгӕнӕн ныхас, дӕттынц рекомендацитӕ районон ӕмӕ хъӕуты администрациты сӕргълӕуджытӕн", - радзырдта Тедеты Роза.

Ӕмбарынгӕнӕн ныхас ныридӕгӕн ауагътой Ленингоры районы, афтӕ ма инспектортӕ кусынц Знауыры районы дӕр.

© МЧС РЮОЗынгсирвӕзт аиуварс кӕныны фӕдыл оперативон штаб
Рахызтысты фӕтыхджындӕргонд режиммӕ: Хуссар Иры УУМ зынгсирвӕзтты уавӕры тыххӕй - Sputnik Хуссар Ирыстон
Зынгсирвӕзт аиуварс кӕныны фӕдыл оперативон штаб

Зынгсирвӕзт бырондоны

УУМ фехъусын кодтой, куыд хуыссын кӕнынц арт хъӕбӕр ӕвзарӕнты полигоны Цхинвалы цӕгаттаг хайы. Бырондон ссыгъд дыццӕджы бонӕй, зынгсирвӕзты фӕздӕг бахӕццӕ столицӕйы уынгтӕм дӕр.

"Зынгсирвӕзты архайы Цхинвалы администрацийы техникӕ, афтӕ ма ӕрбаздахтой ӕндӕр уагдӕтты сӕрмагонд техникӕ дӕр. Ныртӕккӕ зынгсирвӕзты бынаты кусынц УУМ ӕртӕ зынгфӕдсон къорды ӕмӕ уагдоны дыууын кусӕгӕй фылдӕр", - банысан кодтой УУМ.

Амӕйразмӕ хъусын кодтой, зынгсирвӕзты аххосаг кӕй уыд йӕ фарсмӕ быдыры хус кӕрдӕг кӕй басыгътой, уый – дымгӕ рахаста арт бырондонмӕ. Республикӕ ӕмӕ горӕты хицауад сарӕзтой оперативон штаб зынгсирвӕзт аиуварс кӕнынӕн.

Ног хабӕртты лентӕ
0