Цхинвалы афтектӕ барвыстой "сырх зонӕйы" кусджытӕн гуманитарон ӕххуыс

© Sputnik / Варвара Гертье /  Ахизын медиабанкмæКапельница
Капельница - Sputnik Хуссар Ирыстон
Рафыссын
Акцийы хайад райстой Цхинвалы 24 афтекы. Уыдон бадӕттой "сырх зонӕмӕ" хъахъхъӕнӕн костюмтӕ, респиратортӕ ӕмӕ штативтӕ капельницатӕн

ЦХИНВАЛ, 19 ноя - Sputnik, Хъуылымбегты Зӕлинӕ. Хуссар Ирыстоны столицӕйы хисӕрмагонд афтектӕ цыппӕрӕмы бадӕттой "сырх зонӕйы" кусджытӕн сӕрмагонд хъахъхъӕнынады фӕрӕзтӕ. Уый тыххӕй Sputnik радзырдта республикон соматикон рынчындоны кардиологийы хайады хистӕр Хъороты Светлана.

"Радтой нын хъахъхъӕнӕн костюмтӕ, 500 респираторы ӕмӕ 10 штативы капельницатӕн", - загъта Хъороты Светлана.

Хӕрзаудӕн акцийы хайад райстой республикӕйы 24 афтекы.

Коронавирус - Sputnik Хуссар Ирыстон
Хуссар Ирыстоны сбӕрӕг кодтой коронавирусӕй 25 ног рынчыны

"Акцийы хайад истой сӕхи фӕндонмӕ гӕсгӕ. Мах никӕй хӕсджын кодтам", - банысан кодта дохтыр.

Хъороты Светланайы ныхӕстӕм гӕсгӕ, ӕнӕмӕнгхъӕугӕ фӕрӕзты номхыгъд райстой дохтыртӕй. Уый банысан кодта, медиктӕн кӕй уыд ӕрмӕст хъахъхъӕнӕн фӕрӕзты цухдзинад.

Хуссар Ирыстоны пандемийы райдайӕнӕй сбӕрӕг кодтой коронавирусӕй 1650 фӕрынчынуӕвӕджы, уыдонӕй 372 адӕймаджы сӕнӕниз сты.

Ног хабӕртты лентӕ
0