Цхинвалы асфальт сӕвӕрдтой Нӕузӕххонты уынгыл

© Фото очевидцаЦхинвалы асфальт сӕвӕрдтой столицӕйы Нӕузӕххонты уынгыл
Цхинвалы асфальт сӕвӕрдтой столицӕйы Нӕузӕххонты уынгыл - Sputnik Хуссар Ирыстон
Рафыссын
Кусджытӕ ныридӕгӕн бавнӕлдтой Нӕузӕххонты уынджы хӕрзарӕзтадмӕ. Ӕмрӕстӕджы цалцӕг кӕнынц горӕты авд уынджы

ЦХИНВАЛ, 22 дек – Sputnik, Хъуылымбегты Азӕмӕт. Фӕндагон службӕтӕ сӕвӕрдтой асфальты дыккаг цъар Цхинвалы Нӕузӕххонты уынгыл. Ныридӕгӕн кусджытӕ ӕвӕрынц тротуарон плиткӕ.

Инвестицион программӕйы реализацийы фӕдыл штабы рабадт - Sputnik Хуссар Ирыстон
Ацы азы Инвестпрограммӕйы объекттӕн фесты сӕ 90 проценты – Хуссар Иры арӕзтады министрад

Паддзахадон унитарон куыстуат "Дорэкспострой"-ы минӕвар Пухаты Константин куыд фехъусын кодта Sputnik, афтӕмӕй куыстытӕ иууылдӕр балхынцъ кӕндзысты декабры кӕронмӕ.

"Сӕйраджыдӕр, сӕвӕрдтой асфальт. Нырма хъӕуы сӕвӕрын брусчаткӕ тротуартыл, уый фӕстӕ та фӕндагон нысӕнттӕ", - загъта Пухаты Константин.

Уый ма бафтыдта, уынгыл кӕй сӕвӕрдтой ног быцӕутӕ дӕр рухсытӕн.

Нӕузӕххонты уынджы дӕргъ у 750 метрмӕ ӕввахс. Уынджы капиталон цалцӕг цӕуы 2020 азмӕ инвестицион программӕйы фӕлгӕтты.

Цхинвалы ма цӕуы ноджы авд уынджы хӕрзарӕзтад. Асфальтон куыстытӕ фесты Табуты, Кимы, Базарадон, Белинскийы ӕмӕ Хъайтарты уынджы хайыл. Афтӕ ма уыцы уынгтыл уагъд цӕуынц тротуарты хӕрарӕзтадон куыстытӕ.

Ног хабӕртты лентӕ
0