Фӕстаг дзӕнгӕрӕг Хуссар Иры айзӕлдзӕн 500-йӕ фылдӕр рауагъдонӕн

© Sputnik / Natalia Airiyan Фӕстаг дзӕнгӕрӕг Хуссар Иры
Фӕстаг дзӕнгӕрӕг Хуссар Иры  - Sputnik Хуссар Ирыстон, 1920, 17.05.2021
Рафыссын
Хуссар Ирыстоны ахуырады министр радзырдта, куыд ацӕудзысты республикӕйы ахуыры азы фӕудӕн нывонд бӕрӕгбонон мадзӕлттӕ

ЦХИНВАЛ, 17 май – Sputnik, Козаты Диана. Хуссар Ирыстоны ацы аз скъолатӕ фӕуыдзысты фондзсӕдӕйӕфылдӕр рауагъдоны, фӕстаг дзӕнгӕрӕг уыдонӕн айзӕлдзӕн 25 майы, фехъусын кодта Sputnik ахуырады министр Гасситы Натали.

Ивгъуыд аз астӕуккаг скъолатӕ республикӕйы фесты 468 рауагъдоны.

"Фӕстаг дзӕнгӕрӕг скъоладзаутӕн айзӕлдзӕн 25 майы, ацы аз скъола фӕуыдзысты 519 иуӕндӕсӕмкъласоны", - загъта Гасситы Натали.

Министры ныхӕстӕм гӕгӕ, уыцы бон республикӕйы алкӕцы скъолайы дӕр ацӕудзысты традицион цытджын линейкӕтӕ, изӕры та Цхинвалы Театралон фӕзуаты ауадздзысты бӕрӕгбонон концерт Ирыстоны хуссар  ӕмӕ цӕгаты стъалыты хайадистӕй.

Уый ма зӕрды ӕрлӕууын кодта, зӕгъгӕ, цалдӕр азы размӕ Ахуырады министрады коллеги цы скъуыддзаг рахаста, уымӕ гӕсгӕ 25 майы рауагъдон банкеттӕ сты тобӕгонд.

Хуссар Ирыстоны рауагъдонтӕ - Sputnik Хуссар Ирыстон, 1920, 25.02.2021
Майданджын рауагъдон: куыд ӕххуыс кӕны хорзӕх Хуссар Иры абитуриентӕн

"25 майы сывӕллӕттӕ нырма скъола нӕ фесты, разӕй сӕм ӕнхъӕлмӕ кӕсынц экзаментӕ. Ома уыдон нырма сты скъоладзаутӕ, ӕмӕ скъоладзауты хайадистӕй банкеттӕ аразын та бынтон раст нӕу", - бахахх кодта Гасситы Натали.

Уый ма фехъусын кодта, 11-къласонтӕн рауагъдон бал кӕй фӕнд кӕнынц ауадзын иу мӕй фӕстӕдӕр - 25 июны. Йӕ бацӕттӕ кӕнын, раздӕрау, бакодтой Сывӕллӕтты сфӕлдыстадон галуаны бӕрны.

"Бӕрӕгбонон мадзалы фӕлгӕтты рауагъдонтӕ цытджын уавӕры рацӕудзысты сырх гауызыл, уыдонӕн цӕттӕ кӕнынц хиирхӕфсӕн программӕ. Изӕры та сын театры залы ацӕудзӕн концерт", - радзырдта ахуырадон уагдоны сӕргълӕууӕг.

Фӕстаг дзӕргӕрӕджы цытӕн бӕрӕгбонон мадзӕлттӕ ацӕудзысты республикӕйы 53 астӕуккаг скъолайы.

Ног хабӕртты лентӕ
0