Къуаисайы капиталон цалцӕг скӕндзысты централон уынгтӕй иу

© Sputnik / Natalia Airiyan Къуаиса
Къуаиса - Sputnik Хуссар Ирыстон, 1920, 19.07.2021
Рафыссын
Горӕт Къуаисайы бавнӕлдтой централон уынгтӕй иуы капиталон цалцӕгмӕ – йӕ дӕргъ у 980 метры

ЦХИНВАЛ, 19 июл — Sputnik, Хъуылымбегты Азӕмӕт. Хуссар Ирыстоны Дзауы районы цӕрӕнуатон-коммуналон хӕдзарады (ЦКХ) дӕлхайад бавнӕлдта горӕт Къуаисайы Ленины уынджы капиталон цалцӕгмӕ, фехъусын кодта Sputnik районы ЦКХ хистӕр Цхуырбаты Тамерлан.

Цхинвалы ӕртыккӕгӕм скъола - Sputnik Хуссар Ирыстон, 1920, 12.07.2021
Цхинвалы ӕртыккӕгӕм скъола байгом уыдзӕн ног ахуырадон азы райдайӕнмӕ

Куыстытӕ уагъд цӕуынц 2021 азы инвестицион нывӕзты фӕлгӕтты. Заказчик у республикӕйы арӕзтады министрад, куыстытӕй ӕххӕст кӕны Дзауы районы ЦКХ.

Ленины уынджы дӕргъ у 980 метры. Уый у горӕты централон уынгтӕй иу.

"Исӕм зӕронд зӕххцъар, ӕвӕрӕм бордюртӕ, цӕттӕ кӕнӕм тротуарты брусчаткӕ сӕвӕрынмӕ", - загъта Цхуырбаты Тамерлан.

Уый ма бафтыдта, уынджы хӕрзарӕзтад хъуамӕ балхынцъ кӕной ацы аз ноябры, фӕлӕ гӕнӕн ис раздӕр фӕуой куыстытӕ.

Горӕт Къуаисайы 2019 азы сцалцӕг кодтой ӕртӕ уынджы – Хетӕгкаты, Комаровы ӕмӕ Гагарины. Уӕд куыстытӕ ӕххӕст кодта ӕндӕр нардуатон организаци.

Ног хабӕртты лентӕ
0