Хуссар Иры ӕмбӕстӕгтӕ нӕ бахъыгдард сты Дзӕуджыхъӕуы рынчындоны уӕлвӕткон цауы – ӔХМ

© Sputnik / Алексей Сухоруков /  Ахизын медиабанкмæТагъд ӕххуыс
Тагъд ӕххуыс - Sputnik Хуссар Ирыстон, 1920, 10.08.2021
Рафыссын
Ӕнӕниздзинад хъахъхъӕнынады министр равдыста цӕттӕдзинад баххуыс кӕнын йӕ коллегӕтӕн Цӕгат Ирыстоны

ЦХИНВАЛ, 10 авг – Sputnik, Козаты Диана. Хуссар Ирыстоны ӕмбӕстӕгтӕй, кӕцытӕ хоскӕнынад цӕуынц Дзӕуджыхъӕуы клиникон рынчындоны, ничи бахъыгдард туаггуыры хызӕгтыл аварийы рӕстӕджы. Уый тыххӕй фехъусын кодта республикон Ӕнӕниздзинад хъахъхъӕнынады министрады (ӔХМ) сӕргълӕууӕг Наниты Сослан.

Тагъд ӕххуысы рынчындоны къуырисӕры ӕрцыд авари туаггуыры станцыл – спырх ис зӕххы бын хӕтӕл. Амардысты фараст адӕймаджы. Дыццӕджы фехъусын кодтой ноджы дыууӕ фӕмардуӕвӕджы тыххӕй.

"Ныртӕккӕ РЦИ-Аланийы горӕт Дзӕуджыхъӕуы клиникон рынчындоны стационарон хоскӕнынад цӕуынц Хуссар Ирыстоны дыууӕ ӕмбӕстаджы. Уыдонӕй ничи бахъыгдард", - хъусын кӕны Наниты Сосланы ныхӕстӕ йӕ пресс-службӕ.

Наниты Сослан - Sputnik Хуссар Ирыстон, 1920, 10.08.2021
Хуссар Иры ӕнӕниздзинад хъахъхъӕнынады министр бахӕс кодта басгарын туаггуыры хызӕгтӕ
Афтӕ ма Ӕнӕниздзинад хъахъхъӕнынады министрад тӕфӕрфӕс ракодта ацы ӕвирхъау трагедийы зианбаййафджыты хиуӕттӕн.

"Наниты Сослан тӕфӕрфӕс ракодта йӕ коллегӕ Тебиаты Сосланӕн ӕмӕ фехъусын кодта, цӕттӕ кӕй у баххуыс кӕнын куы бахъӕуа, уӕд. Тебиаты Сослан загъта бузныг ацы куырдиаты тыххӕй ӕмӕ банысан кодта, ныртӕккӕ сӕ ӕххуыс кӕй нӕ хъӕуы", - банысан кодтой пресс-службӕйы.

Уый размӕ Наниты Солан бахӕс кодта басгарын РБМЦ туаггуыры хызӕгты техникон уавӕр.

Ног хабӕртты лентӕ
0