Хуссар Иры боксертæ стох кæндзысты æхсæнадæмон турнир "Балтийский ринг"-ы

© Sputnik / Наталья АйриянСпарринги в школе бокса
Спарринги в школе бокса - Sputnik Хуссар Ирыстон, 1920, 19.08.2021
Рафыссын
Кокойты Аслан æмæ Багаты Дмитрий ерысты ралæудзысты куыд хицæн бæстæйы минæвæрттæ ирон тырысаимæ

ЦХИНВАЛ, 19 авг – Sputnik, Плиты Фатимæ. Хуссар Ирыстоны боксы скъолайы минæвæрттæ дыууæйæ стох кæндзысты æхсæнадæмон турнир "Балтийский ринг"-ы. Республикæйы спортивон кад хъахъхъæндзысты Кокойты Аслан æмæ Багаты Дмитрий. Уый тыххæй Sputnik радзырдта боксы скъолайы хистæры хæдивæг Кокойты Ирбег.

Ӕхсæнадæмон турниры "Балтийский ринг" ацæудзæн Калининграды областы, 4-5 сентябры.

"Уый у æхсæнадæмон æмвæзады турнир. Хуссар Ирыстоны спортсментæ ерысты ралæудзысты куыд хицæн бæстæйы минæвæрттæ ирон тырысаимæ. Кокойты Аслан æмæ Багаты Дмитрий сты  нæ скъолайы стыр фидæнимæ спортментæ",- загъта уый.

Кокойты Аслан боксмæ йæ бацыдæй фæстæмæ æвдисы хорз бæрæггæнæнтæ. Иу рæстæг ерысты нал иста хайад чысыл травмæйы аххосæй, фæлæ та ныр бацыд хорз спортивон формæйы. Аннæ лæппу Багаты Дмитрий дæр аразы хорз æнтыстытæ боксы, у Боксы скъолайы цæттæдæр фæсивæдæй иу.

© Photo : Пресс-служба международного турнира по боксуАфишæ
Хуссар Иры боксертæ стох кæндзысты æхсæнадæмон турнир Балтийский ринг-ы - Sputnik Хуссар Ирыстон, 1920, 19.08.2021
Афишæ
Ног хабӕртты лентӕ
0