"Симд" ӕрзилдзӕн гастрольты Уӕрӕсейы регионтыл

© Sputnik / Natalia Airiyan "Симд"
 Симд - Sputnik Хуссар Ирыстон, 1920, 20.08.2021
Рафыссын
Сфӕлыстадон къорд фӕнд кӕны раттын концерттӕ Самара, Волгоград ӕмӕ Ростовы. Балцы фыццаг пункт уыдзӕн Самара, ам аивады кусджыты ӕрфысым кӕндзӕн бынӕттон ирон диаспорӕ

ЦХИНВАЛ, 20 авг — Sputnik, Плиты Фатимӕ. Хуссар Ирыстоны Галаты Борисы номыл кафт ӕмӕ зарды паддзахадон ансамбль "Симд" ацӕудзӕн гастрольты Уӕрӕсейы регионтӕм. Коллективӕн фыццаг ралӕудтӕ уыдзӕн Самарӕйы, фехъусын кодта Sputnik культурӕйы министрады кусӕг, коллективы директоры хӕстӕ ӕххӕстгӕнӕг Ӕлборты Фатимӕ.

Коцты Сергей - Sputnik Хуссар Ирыстон, 1920, 12.08.2021
Паддзахадон ансамбль "Симд"-ӕн снысан кодтой ног авивадон разамонӕджы

Паддзахадон ансамбль "Симд"-ы ралæуд нывæндынц ауадзын этнокультурон парк "Дружба народов"-ы, кæцы сарæзта Хуссар Иры экс-премьер, горæт Самарайы кадджын цæрæг Хуыгаты Ростислав.

"Паддзахадон ансамблы гастролон туры фӕлгӕтты фыццаг ралӕуд уыдзӕн Самарӕйы. Уырдӕм фӕуазӕг уыдзыстӕм 12 сентябры ирон диаспорӕйы сӕрдар Хуыгаты Ростиславы хуындмӕ гӕсгӕ", - загъта Ӕлборты Фатимӕ.

Уымӕй дарддӕр ма, бафтыдта директоры хӕстӕ ӕххӕстгӕнӕг, коллектив фӕнд кӕны раттын концерттӕ Волгоград ӕмӕ Ростовы.

Ног хабӕртты лентӕ
0