Бӕллын ам клип сисынмӕ: Евгений Соколовский йӕ фыццаг тӕлмӕнты тыххӕй Хуссар Ирӕй

© Sputnik / Natalia Airiyan Евгений Соколовский
Евгений Соколовский - Sputnik Хуссар Ирыстон, 1920, 14.09.2021
Рафыссын
Уӕрӕсейаг композитор ӕмӕ пианист дыццӕджы ралӕудзӕн Хуссар Ирыстоны Паддзахадон драмон театры сценӕйыл. Sputnik пресс-центры уый радзырдта Хуссар Ирыстонӕй йӕ фыццаг тӕлмӕнты тыххӕй
ЦХИНВАЛ, 14 сен – Sputnik, Козаты Диана. Зындгонд пианист, композитор Евгений Соколовский радзырдта йӕ пресс-конференцийы Sputnik, кӕй бӕллы сисын музыкалон видеоклип Хуссар Ирыстоны тыххӕй.
Музыкант ӕрцыд республикӕмӕ йӕ концертон программӕимӕ. Уый дыццӕджы ралӕудзӕн Хуссар Ирыстоны Паддзахадон драмон театры сценӕйыл ног театралон сезоны хӕдразмӕ.
Евгений Соколовский - Sputnik Хуссар Ирыстон, 1920, 06.09.2021
Цхинвалы ацæудзæн зынгӕ уӕрӕсейаг пианист Евгений Соколовскийы концерт
"Мах нӕ фӕлмӕцӕм фӕлхатт кӕнын, хуссар Ирыстоны кӕй ис диссаджы ӕрдз. Бӕллын ам клип сисынмӕ. Сӕдӕ проценты уымӕн уыдзӕн стыр ӕнтыст. Уымӕн ӕмӕ мӕн фидарӕй уырны, иууыл хуыздӕр декорации кӕй у ӕрдз ", – загъта Соколовский.
Раздӕр паддзахадон театры директор Уалыты Мӕдинӕ банысан кодта, концерты кӕй айзӕлдзысты куыд Соколовскийӕн йӕхи уацмыстӕ, афтӕ стыр композитортӕ – Бах, Бетховен ӕмӕ Вивальдийы композицитӕ дӕр.
Евгений Соколовский - композитор, пианист, виртуоз, ӕхсӕнадӕмон фортепианон конкурстӕ ӕмӕ фестивальты бирӕ хаттыты лауреат. У Уӕрӕсейы музыкалон цӕдис ӕмӕ Уӕрӕсейаг авторон ӕхсӕнады уӕнг. Уый йӕ курдиатӕй балхӕдта канд Уӕрӕсейы меломанты зӕрдӕтӕ нӕ, фӕлӕ ма йын йе сфӕлдыстад уарзынц Европӕ ӕмӕ Азийы дӕр.
Ног хабӕртты лентӕ
0