Цхинвалы бирӕпрофилон колледжы адарддӕр кодтой исӕн къамисы куысты ӕмгъуыд

© Sputnik / Элина ГабараеваЦхинвалы бирӕпрофилон колледж
Цхинвалы бирӕпрофилон колледж - Sputnik Хуссар Ирыстон, 1920, 16.09.2021
Рафыссын
Цхинвалы бирӕпрофилон колледжы абитуриентты нымӕц цъус кӕй у, уый фӕдыл кӕцыдӕр хайадтӕ гӕнӕн ис сӕхгӕной
ЦХИНВАЛ, 16 сен - Sputnik, Гӕбӕраты Элина. Цхинвалы бирӕпрофилон колледжы исӕн къамисы куыст адарддӕр кодтой 25 октябры онг. Ахуырадон уагдоны пресс-секретарь Тъехты Сима куыд банысан кодта, афтӕмӕй ахӕм мадзӕлттӕ баст сты абитуриентты цухдзинадимӕ.
Цхинвалы бирӕпрофилон колледж  - Sputnik Хуссар Ирыстон, 1920, 22.07.2021
Цхинвалы бирӕпрофилон колледж ӕнхъары ахуырад 13 дӕсниады фӕдыл
Ахуырадон уагдоны документтӕ исдзысты дӕлхайӕдты вакантон бынӕттӕм: "Изготовитель художественных изделий из дерева", "Мастер отделочных строительных работ", "Электромонтажник электрических сетей и электрооборудования", "Повар-кондитер", "Портной", "Автомеханик".
"Исӕн къамис йӕ куыст райдыдта июны райдайӕны. Иу мӕймӕ бадӕттой 50 куырдиаты, уый къаддӕр у ивгъуыд азтӕм абаргӕйӕ. Дӕлхайӕдты хъуамӕ фондз студентӕй къаддӕр ма уа, ӕмӕ сӕ цӕмӕй ма сӕхгӕной, уый тыххӕй адарддӕр кодтой куырдиӕттӕ исыны ӕмгъуыд", - банысан кодта Тъехты Сима.
Абоны бон колледжы ис сӕдӕмӕ ӕввахс фыццагкъурсоны. Тъехты Сима бахахх кодта, коледжы рауагъдонтӕ ӕнцонӕй кӕй ссарынц куыст. Афтӕ ма, рауагъдадон практикӕйы рӕстӕджы студенттӕ баззайынц организациты, цы ран райстой фӕлтӕрддзинад.
Исӕн къамисы куыст куы фӕуа, уӕд абитуриентты хъӕуы раттын дыууӕ фӕлварӕны – уырыссаг ӕвзаг ӕмӕ математикӕйӕ. Кӕд абитуриент фӕвӕййы 9 класс, уӕд ахуыр кӕны 4 азы, 11-ӕм классы фӕстӕ та ахуыр кӕнынц ӕртӕ азы. Ахуырад у ӕнӕаргъ, колледжы студенттӕн ис стипендитӕ ӕмӕ ӕнӕаргъ ацӕуӕн ӕхсӕнадон транспортыл.
Ног хабӕртты лентӕ
0