Хуссар Иры сбӕрӕг кодтой сӕдӕйӕ фылдӕр ног рынчыны коронавирусӕй

© Sputnik / Илья Питалев /  Ахизын медиабанкмæКоронавирус
Коронавирус - Sputnik Хуссар Ирыстон, 1920, 18.10.2021
Рафыссын
Цхинвалы уагъд цӕуы коронавирусы апарахаты ныхмӕ оперативон штабы рабадт. Республикӕйы гӕнӕн ис бакӕной арӕнӕвӕрдон мадзӕлттӕ уӕззау эпидемиологион уавӕры тыххӕй
ЦХИНВАЛ, 18 окт - Sputnik, Козаты Диана. Хуссар Ирыстоны ивгъуыд суткӕйы сбӕрӕг кодтой 116 ног рынчыны коронавирусӕй. Уый тыххӕй коронавирусы ныхмӕ оперативон штабы рабадтыл фехъусын кодта Югосетпотребнадзоры сӕргълӕууӕг Коцты Марина.
Уый банысан кодта, иу суткӕмӕ кӕй сарӕзтӕуыд 340 иртӕсты.
"Медицинон хыгъдӕй систой 40 адӕймаджы. Дохтырты хъусдарды бын ӕдӕппӕт сты 1765 рынчыны, уыдонӕй 1626 хос кӕнынц амбулаторон уавӕрты, аннӕтӕ та – стационары", - загъта Коцты Марина.
Сӕйраг санитарон дохтыр банымадта коронавирусимӕ уавӕр ӕнӕстабилоныл ӕмӕ банысан кодта, кӕй хъӕуы райсын арӕнӕвӕрдон мадзӕлттӕ, кӕцытӕ уый банхъардта оперштабы уӕнгтӕн.
Ног хабӕртты лентӕ
0