Остъаты Аланы "Фӕстаг ӕвдисӕн": цӕуыл у спектакль

© Sputnik / Наталья АйриянПаддзахадон драмон театр
Паддзахадон драмон театр - Sputnik Хуссар Ирыстон, 1920, 13.12.2021
Рафыссын
ЦХИНВАЛ, 13 дек — Sputnik, Плиты Фатимӕ. Хуссар Ирыстоны паддзахадон драмон театры кӕронмӕ фӕхӕццӕ кӕны ирон адӕмы 1920 азы геноцидыл таурӕгъгӕнӕг спектакль "Фӕстаг ӕвдисӕн"-ыл куыст. Премьерӕйы кӕсӕрыл уацмысы автор Остъаты Алан радзырдта Sputnik, куыд фыста йӕ пьесӕ ӕмӕ цы историон фактыл бындуриуӕг кодта.
ПДТ-йы ӕрвылбон цӕуы репетицитӕ. Гуырахстджын спектаклы театры труппӕйӕ дарддӕр архайынц театралон факультеты студенттӕ ӕмӕ ахуырадзаутӕ. Сфӕлдыстадон къорд ныфс дӕтты спектакль равдисын ног азы агъоммӕ.
Театр - Sputnik Хуссар Ирыстон, 1920, 03.12.2021
Хуссар Иры театры сценӕйыл равдисдзысты 1920 азы ирӕтты геноцид
Авторы ныхӕстӕм гӕсгӕ, сценӕйыл мах фендзыстӕм ӕцӕг ӕрцӕугӕ цаутӕ фыссӕг ӕмӕ актёрты цӕстӕнгасӕй
"Ӕрмӕг фыссгӕйӕ ӕз ӕнцой кодтон историон цаутӕ ӕмӕ лигъдӕтты мысинӕгтыл. Раджы баззадтӕн сидзӕрӕй ӕмӕ хъомыл кодтон сылгоймӕгты хсӕн. Нӕ сыхы цард Хъӕцмӕзон, кӕцы 20 ӕнусы 20 ӕзты сабийӕ алыгъд Дыгурмӕ ӕмӕ уый мысинӕгтӕ сабийӕ мӕ хъуыдыйы ныффидар сты", - дзуры автор.
Йӕ ныхӕстӕм гӕсгӕ, ирон адӕмы геноциды ӕвдисӕнтӕ, канд сӕ фыдӕбӕттӕ нӕ дзырдтой, фӕлӕ ма сӕ Дыгуры куыд хорз райстой, ууыл дӕр.
"Мӕ сыхаг иу фӕдзырдта, ома Дыгуры адӕм афтӕ хорз сӕмбӕлдысты лигъдӕттыл ӕмӕ иу сӕхӕдӕг цардысты уӕлхӕдзӕртты ӕмӕ скъӕтты, цӕмӕй уазджыты ӕмбӕлон уагыл райсой. Ацы диссаджы ахаст дӕр бацыд пьесӕмӕ", - бафтыдта Остъаты Алан.
Гуырдзыстоны ӕфсадӕй адӕм куы лыгъдысты, уӕд знаджы нӕмыгӕй чи аирвӕзт, уыдон се 'ппӕт цӕрынӕн гуырд нӕ уыдысты - бирӕтӕ баззадысты Кавказы хохӕфцӕгыл.
Ног хабӕртты лентӕ
0