ЦХИНВАЛ, 8 сен — Sputnik. Цӕгат Ирыстоны йӕ куыст райдыдта фестиваль "Цъæйаг вальс", къуырийы дӕргъы ам авторон зарæггæнджытæ дӕтдзысты мастер-къластӕ. Ныридӕгӕн фестивалы хайадисджыты нымӕц бонӕй-бон фылдӕр кӕны, хъусын кӕны ПТРК "Алания".
"Сыгъдæг уæлдæф, айнæг къæдзæхтæ æмæ гитара. Фестиваль "Цъæйаг вальс" ногæй æрæмбырд кодта, арты цур зарын чи уарзы, уыцы адæмы. Зарджытæ чи фыссы æмæ сæ йæхæдæг чи зары, уыдонæн ацы ком рагæй у уарзон", — дзырдӕуы хъусинаджы.
Фестивалы организаторты хъуыдымæ гæсгæ, Цъӕйы гитарæ дæр зæлы æндæрхуызон. Веб-камерæты фæрцы авторон зарджыты бæрæгбонмæ бакæсæн уыд алкӕмӕн дӕр.
Цъæйы ком уарзта зындгонд советон зарӕггӕнӕг Юрий Визбор, ам ныффыста йæ фæстаг зарæг "Цъæйаг вальс". Уымæ гæсгæ фестиваль дæр схуыдтой афтæ. Ацы аз дзы архайынц Уæрæсе, Украинæ æмæ Сомихы музыканттæ æмæ поэттæ.
