16:39 24 РУХÆНЫ МÆЙ 2018
Комкоммӕ эфир
  • EUR77.68
  • USD66.16
Гергиты Ларисӕ

Цӕгат Иры кӕронмӕ бахӕццӕ фестиваль "Уазӕгуаты Гергиты Ларисӕмӕ"

© Sputnik / Ада Багиан
Цӕгат Ирыстон
Чысыл дӕнцӕг
12 0 0

Аивӕдты Х юбилейон фестиваль "Уазӕгуаты Гергиты Ларисӕмӕ" байгом Цӕгат Ирыстоны 10 сентябры. Фестивалы фæлгæтты Хуссар Ирыстоны дæр уагъд æрцыд цалдæр культурон мадзалы, уыдон нымæцы зынгӕ уӕрӕсейаг артист Сергей Безруковы аивадон изæр æмæ оперон зарæггæнджыты концерттӕ.

ЦХИНВАЛ, 1 окт- Sputnik. Дзæуджыхъæуы кæронмæ бахæццæ аивæдты фестиваль "Уазæгуаты Гергиты Ларисæмæ". Програмæйы фæстаг пункт ссис гала-концерт "Елена Образцовайы номарынæн" Стыр æмæ Мариинаг театрты артистты хайадистæй, хъусын кӕны 15 регион.

Аивӕдты Х юбилейон фестиваль "Уазӕгуаты Гергиты Ларисӕмӕ" байгом Цӕгат Ирыстоны 10 сентябры. Йӕ фӕлгӕтты Ирыстоны цӕгат ӕмӕ хуссар хӕйтты дӕр уагъд ӕрцыдысты алыгъуызон культурон мадзӕлттӕ.

"Елена Уасилы чызджы амæлæты хæдразмæ мах дзырдтам йæ балцы фæдыл Ирыстонмæ. Нæ хъуыды кодтон, фестиваль æнæ уымæй кæй ацæудзæн. Уый тынг уарзта нæ республикæ æмæ арæх цыд ардӕм концерттимæ. Абоны концерт мах снывонд кодтам уымæн", — загъта Гергиты Ларисæ.

Йæ ныхæстæм гæсгæ, ныры фестиваль уыд иннæтæй цыбырдæр, уымæн æмæ организацион æмæ финансон фадæттæ уыдысты къаддæр. Фæлæ дзы цы съалытæ райстой хайад, уыдон æй схизын кодтой уæлдæр æмвæзадмæ.

"Ахæм мадзæлттæ тынг хъæуынц республикæйы. Адæм сӕм тынг цæуынц, æмæ мын уый у тынг æхсызгон. Фылдæр фадæттæ æмæ мын æххуыс куы уаид, уæд уый æрлæууид Европæйы хуыздæр фестивалтимæ иу рæнхъыл", — бафтыдта Гергиты Ларисæ.

Еленæ Образцовайы номарынæн ма сæрмагондæй Оперæ æмæ балеты театры уагъд æрцыд фоторавдыст дæр.

Фестивалы фæлгæтты Хуссар Ирыстоны дæр уагъд æрцыд цалдæр культурон мадзалы, уыдон нымæцы театр æмæ кинойы артист Сергей Безруковы аивадон изæр æмæ оперон зарæггæнджыты концерттӕ.

Сӕйраг темӕтӕ