ЦХИНВАЛ, 18 июл — Sputnik. Синоптикты бæлвырдгæнтæм гæсгæ дыццæджы Цæгат Ирыстоны уыдзæн тæрккъæвда, ихуардæн дæр уæвæн ис, хъусын кæны 15 регион.
Тæрккъæвда æмæ ихуардæй фæдзæхсы Цæгат Ирыстоны республикон гидрометцентр.
"Бæрзонд температурæты аххосæй уæвæн ис ихуардимæ къæвдайæн. Уый фæстæ бонты температурæ зына-нæзына æрхаудзæн — 2-3 градусы. Гидрометцентры æвдисæндартæм гæсгæ, 19-æм июлы температурæ æрхаудзæн 29-34 градусы онг, 20-æм июлы та — 26-31 градусы онг", — дзырдæуы хъусинаджы.
Июны райдайæны дæр Дзӕуджыхъӕу ӕмӕ цалдӕр цӕрӕн пункты уыд тӕрккъӕвдатӕ ӕмӕ тыхджын ихуард. Уæд Джызæл, Уæллаг æмæ Дæллаг Санибæйы баконд æрцыд уæлвæткон уавæры режим.
Æвзæр боныгъæды амæттаг баисты 300 хæдзары, 11 мин адæймаджы аззадысты æнæ рухсæй. Ӕрдзон бӕллӕхы фӕстиуӕгӕн рынчындонмӕ бахауд дыууæ адæймаджы.