ЦХИНВАЛ, 10 июл — Sputnik. Уӕрӕсейаг згъорӕг, Уырыссаг географион ӕхсӕнады уӕнг Дмитрий Ерохин азгъордзӕн алайнаг ультрамарафон. Спортсмен фӕнд кӕны ӕрывӕрын рекорд Ирыстоны ацӕуынӕн цӕгатӕй хуссары онг, радзырдта уый журналисттӕн газет "Слово"-йы пресс-центры.
180-километрон маршрут Цӕгат Ирыстоны туристон къахвӕндӕгтыл райдайдзӕн изӕры 12 июлы Ставрополы край ӕмӕ Цӕгат Иры хсӕн административон арӕныл, Мӕздӕджы районы. Йӕ балцӕн Ерохин кӕрон скӕндзӕн Хуссар Иримӕ арӕныл Зихъхъары ӕфцӕгыл.
Дмитрий Ерохин ӕрцыд Цӕгат Ирыстонмӕ Хетӕджы боны. Йӕ ныхӕстӕм гӕсгӕ, уый райста хайад бӕрӕгбонон мадзӕлтты, уӕлдай арф тӕлмӕнтӕ та йыл ныууагътой ирон традицитӕ ӕмӕ уӕлибыхтӕ.
Згъорӕджы фӕндты ма ис регионы альпинисттӕ ӕмӕ туристтимӕ фембӕлын ӕмӕ ӕрдзурын семӕ спорты ацы хуызы райрӕзтыл.
