Битарты Вячеслав æрлæууыд ирон æвзаг бахъахъхъæныны фæдыл къамисы сæргъ

© Sputnik / Александр Астафьев /  Ахизын медиабанкмæЦæгат Ирыстоны сæргълæууæг Битарты Вячеслав
Цæгат Ирыстоны сæргълæууæг Битарты Вячеслав - Sputnik Хуссар Ирыстон
Рафыссын
Дзæуджыхъæуы ацыд ирон æвзаг бахъахъхъæныны æмæ размæцыды фæдыл къамисы рабадт

ЦХИНВАЛ, 19 окт — Sputnik. Цæгат Ирыстоны сæргълæууæг Битарты Вячеслав æрлæууыд ирон æвзаг бахъахъхъæныны æмæ размæцыды фæдыл къамисы сæргъ.

Рабадт æнæхъæнæй цыд ирон æвзагыл.

"Мæн фæнды рабадт ирон æвзагыл ауадзын, йæ диалекттæй кæцы фæндыйыл дæр, кæцыйыл уын у æнцон дзурæн", — хъусын кæны Битарты Вячеславы ныхæстæ йæ пресс-службæ.

Боны фæткы сæйраг фарст ссис "2017-2019 азтæн ирон адæмы националон-культурон размæцыды" паддзахадон программæйы фæдыл фарст.

Паддзахадон программæйы бындурон нысæнтты æхсæн сты ахæмтæ – ирон адæмы националон-культурон домæнтæ æххæст кæнын, республикæйы ирон æвзаджы популяризаци, не ′мзæххонтæй фæсарæнты, Уæрæсейы Федерацийы субъектты чи цæры, уыдонæн ирон æвзаг ахуыр кæнынæн æххуыс кæнын.

Ног хабӕртты лентӕ
0