Телеканал "Осетия-Ирыстон" скуыста спутникон бастдзинады

© YouTubeТелеканал "Осетия-Ирыстон" скуыста спутникон бастдзинады
Телеканал Осетия-Ирыстон скуыста спутникон бастдзинады - Sputnik Хуссар Ирыстон
Рафыссын
Телеканалы алæвæрдтæм бакæсæн ис Триколор ТВ-йыл 825-æм номыры бын

ЦХИНВАЛ, 1 дек — Sputnik. Фыццаг националон телеканал "Осетия-Ирыстон" райдыдта йæ куыст абонæй спутникон бастдзинады.

"Телекомпани Ирыстон комкоммæ эфиры. 24 сахаты фидиуæн. Къуыри авд боны. Цалдæр азы размæ дæр ма йыл хъуыды дæр никуы акодтаиккам. Фæлæ фæзынд ахæм фадат. Ӕрвылсуткæйон телеканал – ирон телеуынынады бынтон ног æмвæзад", — хъусын кæны "Осетия-Ирыстон".

Алæвæрдтæ уыдзысты ирон æмæ уырыссаг æвзæгтыл. Фæлæ ног телеканалы кусджыты уæлдай хъусдард здæхт уыдзæн ирон æвзагыл контентмæ.

Цæгат Ирыстоны националон телеуынынадмæ ис фадат кæсын компьютертæ æмæ мобилон телефонтыл дæр, уый тыххæй хъæуы бахизын сайтмæ iryston.tv.

Националон телеуынынад "Осетия-Ирыстон"-ыл рахицæнгонд уыдзæн рæстæг Хуссар Ирыстонæй хабæрттæн дæр.

Ног хабӕртты лентӕ
0