Цæгат Ирыстоны ацæудзæн сывæллæтты анимацийы фестиваль "А-лол-лай"

© Газета "Слово"Сывæллæтты анимацийы фестиваль "А-лол-лай"
Сывæллæтты анимацийы фестиваль А-лол-лай - Sputnik Хуссар Ирыстон
Рафыссын
Ӕрыгон кинематографисттæ æрбавдисдзысты сæ анимацион куыстытæ, кæцытæ бындуриуæг кæнынц ирон классикты уацмыстыл

ЦХИНВАЛ, 10 янв— Sputnik. Цæгат Ирыстоны ацæудзæн сывæллæтты анимацион кинойы националон фестиваль "А-лол-лай", уым равдисдзысты мультфильмтæ ирон æмæ уырыссаг æвзæгтыл, кæцытæ сарæзтой сывæллæттæ. Хуыздæр анимацион фильм суыдзæн сывæллæтты анимацион Цæгат-Кавказаг фестивалы хайадисæг, хъусын кæны газет "Слово", проекты автор Коцойты Анжелайы информацийыл æнцойгæнгæйæ.

Студи Кадрик - Sputnik Хуссар Ирыстон
Фыццаг патриотикон мультфильм "Иссӕ" систой Дзӕуджыхъӕуы

Ӕртæ мæйы дæргъы горæты æндæр æмæ æндæр ахуырадон центрты æмæ социалон уагдæтты хъомылгæнинæгтæ, студенттæ, скъоладзаутæ, сидзæртæ æмæ йе ′нæниздзинад цудыд кæмæн у, ахæм сывæллæтты волонтерты командæ цайдагъ кодтой анимацион кинойы аивадыл: ныв кодтой, арæзтой хъайтарты пластилинæй æмæ истой сæ фыццаг мультфильмтæ. 13 январы Ӕрыгон кæсæджы театр "Саби"-йы уыдон жюрийы размæ рахæсдзысты 9 куысты, кæцытæ бындуриуæг кæнынц ирон классикты уацмыстыл. Режиссертæ, мультипликатортæ æмæ актертæ сты сывæллæттæ сæхæдæг.

Фестиваль уагъд цæуы Дзæуджыхъæуы бынæттон администрацийы фæсивæдон политикæ, физикон культурæ æмæ спорты управленийы æххуысæй.

Ног хабӕртты лентӕ
0