13:09 26 ХУРХÆТÆНЫ МÆЙ
 2019
Комкоммӕ эфир
  • EUR71.38
  • USD62.81
Цӕгатирыстойнаг ӕмбуархӕцджытӕ рамбылдтой 20 хорзӕхы ЦКФЗ фыццагады

Цӕгатирыстойнаг ӕмбуархӕцджытӕ рамбылдтой 20 хорзӕхы ЦКФЗ фыццагады

© Министерство спорта РСО-Алания
Цӕгат Ирыстон
Чысыл дӕнцӕг
51 0 0

Ерысты уӕлахиздзаутӕ ӕмӕ призертӕ райстой балцӕгтӕ Уӕрӕсейы чемпионатмӕ, кӕцы ацӕудзӕн 24-29 марты Волгограды

ЦХИНВАЛ, 28 фев — Sputnik. Цӕгат Ирыстоны командӕ рамбылдта фараст сыгъзӕрин, фондз ӕвзист ӕмӕ ӕхсӕз бронзӕйы майдан Цӕгат Кавказы федералон зылды (ЦКФЗ) фыццагады ӕмбуар хӕстӕй, хъусын кӕны республикӕйы спорты министрады пресс-службӕ.

Ӕвзонг лӕппутӕ ӕмӕ чызджыты ӕхсӕн ерысты райдыдтой 22 февралы Ставрополы.

"Фыццаг бынӕттӕ бацахстой Руслан Куготов, Давуд Рамазанов, Сататы Ахмед, Зураты Сослан, Хъазиты Арсен, Бӕгъиаты Алина, Агунда Беликова, Хабӕты Камилла ӕмӕ Магаты Ангелина. Ӕвзист майдантӕ рамбылдтой Тедеты Сослан, Таймураз Попов, Датиты Асланбег, Чилӕхсаты Милолика ӕмӕ Анастасия Васькова. Бронзӕйы майдантӕ райстой Зураты Зауыр, Руслан Рамазанов, Дзабиты Уырызмӕг, Тыджыты Тимур, Кцойты Амина ӕмӕ Мӕргъиты Яна", - дзырдӕуы хъусинаджы.

Ерысты уӕлахиздзаутӕ ӕмӕ призертӕ райстой балцӕгтӕ Уӕрӕсейы чемпионатмӕ, кӕцы ацӕудзӕн 24-29 марты Волгограды.

Уагдоны бафтыдтой, зӕгъгӕ, спортсменты ерыстӕм бацӕттӕ кодтой тренертӕ Дзитойты Артур, Кадиты Нариман ӕмӕ Каргаты Руслан.

Сӕйраг темӕтӕ