Хуыздæр сериал æмæ сылгоймаджы фæлгонц: ирон кинотæ расгуыхтысты æхсæнадæмон фестивалы

© Sputnik / Анна КабисоваКинофестиваль Дзæуджыхъæуы
Кинофестиваль Дзæуджыхъæуы - Sputnik Хуссар Ирыстон
Рафыссын
"Фантом атакует"-ы схуыдтой хуыздæр сериал, аннæ киноныв - комеди "Ведьма Гор"-ы сæйраг сылгоймаджы фæлгонцы архайæг Медойты Зинаида та райста хорзæх "Хуыздæр актрисæ"

ЦХИНВАЛ, 19 авг — Sputnik, Плиты Фатимæ. Ӕртыккаг æхсæнадæмон Феодосиаг фестивалы хуыздæр сериалыл нымад æрцыд ирон режиссер, Хуссар Ирыстоны сгуыхт артист Лагкуты Спартакы куыст "Фантом атакует". Уый тыххæй режиссер ныффыста социалон хызæг Instagram-ы йæ фарсыл æмæ раарфæ кодта йæ командæйæн.

AllonFilm - Sputnik Хуссар Ирыстон
Гуырдзиаг-ирон хӕсты тыххӕй киноныв бавдыстой æхсæнадæмон фестивальмӕ

"Хæлæрттæ, æхсызгон хабар, абон сæхгæдтой æртыккаг æхсæнадæмон Феодосиаг фестиваль, кæцы цыд Хъырымы. Зæрдийагæй арфæ кæнын нæ командæйæн. Конкурсмæ бавдыстам нæ дыууæ куысты. Сериал "Фантом атакует" райста хорзæх "Хуыздæр сериал". Комеди "Ведьма Гор"-ы сæйраг сылгоймаджы фæлгонцы архайæг Медойты Зинаида та райста хорзæх "Хуыздæр актрисæ", - ныффыста Лагкуты Спартак.

Киноныв "Фантом атакует" актерты сконды сты Хъæцмæзты Альберт, Лагкуты Сæрмæт, Годжысаты Инна æмæ æндæртæ.

Лагкуты Спартак ма аннæ кинонв "Ведьма гор"-æй расгуыхт æндæр æхсæнадæмон фестивалы Майкопы. Режиссеры ныхæстæм гæсгæ, ист æрцыд советон кинонывтæм æнгæс.

© Из архива С. ЛагкуеваКомеди "Ведьма гор"
Хуыздæр сериал æмæ сылгоймаджы фæлгонц: ирон кинотæ расгуыхтысты æхсæнадæмон фестивалы - Sputnik Хуссар Ирыстон
Комеди "Ведьма гор"
Ног хабӕртты лентӕ
0