ЦХИНВАЛ, 20 янв - Sputnik. Февралы Цæгат Ирыстоны сæйраг горæты байгом уыдзæн сывæллæтты космикон центр, кæцыран уыдзæн планетарий æмæ скъола. Центры, кæцыйæн Уæрæсейы аналогтæ нæй, ахуыр кæныны фадат уыдзæн æрмæст республикæйы сабитæн нæ, фæлæ æппæт Цæгат Кавказы сывæллæттæн дæр.
Лекцитæ сын кæсдзысты ахуыргæнджытæ, кæцыты бацæттæ кодтой лавочкины номыл Зонадон-кондадон баиугонды. Уый тыххæй хъусын кæны Цæгат Ирыстоны официалон портал.
Космосы сусæгдзинæдтæ сывæллæттæ ахуыр кæндзысты нырыккон ифтонгадыл. Сæ бæрны ис дыууæ проекторы, кæцытæ хицæн рæстæджыты æвдисдзысты стъалыджын арвы панораммæ, афтæ ма космосы темæйыл фильмтæ, дыууæ телескопы, космикон корабль "Аполлон"-ы макет, вестибулярон аппараты бæрæггæнæн тренажер æмæ бирæ æндæртæ.
Планетарийы уæлхæдзары та уыдзæн улæфæн зонæ Хусы системæйы тымбылæгтæ-планетæтимæ динамикон скульптурæтимæ æмæ хуры сахаттимæ.
Дзæуджыхъæуккаг планетарийы уникалон бæстыхай арæзт æрцыд XIX æнусы 70-æм æзты.
