Беслæны фæзындзæн терроризмы профилактикæйы æппæтадæмон центр

© Sputnik / Анна КабисоваБеслæн
Беслæн - Sputnik Хуссар Ирыстон, 1920, 01.09.2021
Рафыссын
Мадзал арæзт уыдзæн дыууæ хайæ. Проектмæ гæсгæ базилдзысты, фыццæгæм скъолайы бæстыхайæ чи баззад, уыцы хаймæ
ЦХИНВАЛ, 31 авг — Sputnik. Терроризмы профилактикæйы æппæтадæмон центр хъуамæ фæзына Беслæны 2023-æм азмæ, хъусын кæны ПТРК "Алания".
Мадзал арæзт уыдзæн дыууæ хайæ. Проектмæ гæсгæ базилдзысты, фыццæгæм скъолайы бæстыхайæ чи баззад, уыцы хаймæ.
"Сæйраг нысан — 2004-æм азы трагикон цауты фæдтæ бахъахъхъæнын. Уымæ гæсгæ бæстыхайы мидæгæй æххæстæй не сног кæндзысты. Проекты дыккаг къæпхæн та уыдзæн ног бæстыхай. Ам уыдзæн проекцион зал æмæ дзы æвдисдзысты документалон хроникæтæ, стæй ма дзы уыдзæн экспозицитæн бæстыхæйттæ", - дзырдæуы хъусинаджы.
Кълæсты фæнд кæнынц, трагедийыл чи дзурдзæн, ахæм экспозици равæрын. Фенæн ма дзы уыдзæн, дунейы алы рæтты цы стыр фыдбылызтæ æмæ теракттæ æрцыд, уыдоны тыххæй равдыстытæ.
Беслæны трагедийы мысæн бонты агъоммæ Цæгат Ирыстонмæ ссыдысты Æдасдзинады Федералон службæйы æдзард æфсæддонты хæстæджытæ. Уыдоны хъуыдымæ гæсгæ, ахæм мадзæлттæ сты ахсджиаг хъæбатырты ном арынæн æмæ мысынæн.
Центр саразыны архайдзысты бæстæйы хуыздæр реставратортæ. 
Ног хабӕртты лентӕ
0