Тедеты Андрей: мӕ бӕллиц - "Арс"-ы дунейон сценӕйыл фенын

© Sputnik / Ада БагианБрейк-дансы къорд "АРС"
Брейк-дансы къорд АРС - Sputnik Хуссар Ирыстон
Рафыссын
Брейк-дансы къорд "Арс" фӕзынд Хуссар Ирыстоны ивгъуыд ӕнусы 90-ӕм ӕзты кӕрон. Уӕдӕй абоны онг кафджытӕ иу ӕмӕ дыууӕ хатты не ‘систы ӕхсӕнадӕмон конкурсты уӕлахиздзаутӕ. Ӕрӕджы дӕр та ӕхсӕнадӕмон сменӕ "Сабитӕ, дуне ӕмӕ рӕсугъддзинд"-ӕй ӕрхаста Гран-При.

ЦХИНВАЛ, 11 сен — Sputnik, Плиты Фатимӕ. Брейк-данс Хуссар Ирыстоны фӕзынд 18 азы размӕ. Ирон националон кафты ахуыргӕнӕг Тедеты Андрей фыццаг хатт телевизоры куы федта кафты ацы хуыз, уӕд ӕм йӕ уд бацырын ӕмӕ сфӕнд кодта йӕ дӕсниад раивын.

Ӕрӕмбырд кодта фидар уыдхъӕдимӕ чысыл сабиты къорд ӕмӕ сӕ райдыдта ахуыр кӕнын ацы кафты сусӕгдзинӕдтӕ. Афтӕ Цхинвалы фӕзынд Брейк-дансы группӕ "Арс".

Уый фӕстӕ уыдысты бирӕнымӕц конкурстӕ ӕмӕ фестивалтӕ, иу фӕлтӕр ивта иннӕйы. "Арс"-ы къухы бафтыд ӕхсӕнадӕмон мадзӕлтты 34 призон бынаты, уыдонӕй ӕрмӕстдӕр иу уыд ӕртыккаг бынат, аннӕтӕ — фыццӕгтӕ ӕмӕ дыккӕгтӕ.

18 азы дӕргъы "Арс" схъомыл кодта ӕмӕ рауагъта авд фӕлтӕры. Хӕдахуыр специалист, Хуссар Ирыстоны брейк-дансы бындурӕвӕрӕг Тедеты Андрей бацӕттӕ кодта канд фӕлдӕрд кафджытӕ нӕ, фӕлӕ ма тренертӕ дӕр.

Андрей бӕллы йӕ хъомылгӕнинӕгты дунейон сценӕйыл фенын. Ацы бӕллиц аивадон къухдариуӕггӕнӕгӕн йӕ кафджытимӕ у иумӕйаг. Сӕ нысанмӕ тырнгӕйӕ ӕрвылизӕр дӕр фондз сахатыл скъоладзаутӕ ӕрбамбырд вӕййынц Цхинвалы Сывӕллӕтты галуаны бӕстыхаймӕ. Сӕ цӕттӕкӕныны рӕстӕг куы фӕвӕййы, уӕддӕр ма суанг талынгтӕм Пионерты парчъы фӕхъуысынц сӕ музыкӕйы зӕлтӕ.

© Sputnik / Ада БагианАндрей бӕллы йӕ хъомылгӕнинӕгты дунейон сценӕйыл фенын.
брейк-данс группа АРС - Sputnik Хуссар Ирыстон
Андрей бӕллы йӕ хъомылгӕнинӕгты дунейон сценӕйыл фенын.

Аивадон къухдариуӕггӕнӕджы ныхӕстӕм гӕсгӕ, группӕйы уӕлдай ирддӕрӕй райхӕлд къорды кафджытӕ Плиты Тимур, Мӕргъиты Сослан ӕмӕ Хъуылымбегты Ацӕмӕзы курдиат.

"Сӕхиуыл куы кусой, уӕд сын хорз фидӕн уыдзӕн кафты. Куыд ӕндӕр хъуыддаджы, афтӕ хореографийы дӕр ӕнтыстмӕ фӕндаг ӕнцон никуы вӕййы — ӕрмӕст иу элемент бацӕттӕ кӕнынӕн ӕрвылбон дӕр хъӕуы ӕрдӕг сахат тренировкӕтӕ. Хатгай афтӕ рацӕуы, ӕмӕ цалдӕр азы фӕцӕттӕ кӕнын сывӕллоны, ӕмӕ стӕй иу мӕймӕ райхӕлы", — дзуры Андрей.

Зӕрдӕхӕлар тренер кафджытӕй фӕстӕмӕ никӕй арвиты, йӕ ныхӕстӕм гӕсгӕ, сывӕллӕттӕ сӕхӕдӕг бамбарынц, кафӕг сӕ рацӕудзӕн ӕви нӕ, уый.

Ӕхсӕнадӕмон ерысты ӕнтыстыты фӕстӕ "Арс" йӕ арӕхстдзинад сфӕнд кодта бынӕттон сценӕйыл равдисын дӕр. Ивгъуыд аз Хуссар Ирыстоны цыд курдиатджын сывӕллӕтты конкурс "Стъалты ферттывд"-ы ӕртыккаг сезон. Конкурсы карз домӕнтӕй сӕйраг уыд, цӕмӕй, сывӕллоны курдиатмӕ ӕнӕкӕсгӕйӕ, йӕ ралӕуд баст уыдаид националон хореографи, культурӕ, науӕд та литературӕимӕ баст. Уӕд "Арс"-ы къорд сфӕнд кодта брейк-данс ирон элементтимӕ акафын.

Конкурсант Плиты Тимур йе ‘мбал Мӕргъиты Сосланы ӕххуысӕй ӕнтыстджынӕй хызт иу турӕй иннӕмӕ. Кӕд иу ӕй тӕрхонгӕнджытӕй амонд нӕ фӕци, уӕд телекӕсӕг та ӕрвылхатт дӕр хъӕлӕс кодта уымӕн. Афтмӕ Тимур рамбылдта конкурсы "Приз зрительских симпатий".

© Sputnik / Ада БагианЗӕрдӕхӕлар тренер кафджытӕй фӕстӕмӕ никӕй арвиты - сывӕллӕттӕ сӕхӕдӕг бамбарынц, кафӕг сӕ рацӕудзӕн ӕви нӕ.
брейк-данс группа АРС - Sputnik Хуссар Ирыстон
Зӕрдӕхӕлар тренер кафджытӕй фӕстӕмӕ никӕй арвиты - сывӕллӕттӕ сӕхӕдӕг бамбарынц, кафӕг сӕ рацӕудзӕн ӕви нӕ.

Мӕргъиты Сослан дӕр йӕ фидӕн ӕнӕ брейк-дансӕй нӕ уыны. Уый йӕхиуыл нӕ аууӕрды, ӕрвылбон дӕр кусы кафты ног элементтыл, бӕрзонд кӕны йӕ профессионализм.

"Цалынмӕ мӕ бон уа, уӕдмӕ кафдзӕн, стӕй куы базӕронд уон, уӕд та чысылты ахуыр кӕндзӕн кафын. Хъӕбысӕйхӕст дӕр мӕ зӕрдӕм цӕуы, фӕллӕ брейк-дансы йас ницы уарзын", — дзуры уый.

"Арс" рамбылдта ӕхсӕнадӕмон фестивалы Гран-при

Тедеты Андрей банысан кодта, йӕ хъомылгӕнинӕгы цӕттӕдзинадӕн егъау ӕххуыс фӕвӕййы фӕсарӕйнаг конкурсты хайадист.

"Сывӕллӕттӕ хорз цӕттӕ кафджыты куы фенынц, уӕд сӕ уый сразӕнгард кӕны ноджы активонӕйдӕр архайынмӕ", — загъта тренер.

Ӕрӕджы къорд хуынд ӕрцыд Калининградмӕ фестивалмӕ, ӕмӕ йӕ уӕнгтӕ активонӕйдӕр ӕрӕвнӕлдттой сӕхи цӕттӕкӕнынмӕ. Уӕдмӕ уал аивадон къухдариуӕггӕджы фӕнды иууыл курдиатджындӕр кафджыты Дзӕуджыхъӕумӕ цӕттӕ кӕнымӕ акӕнын.

Брейк-дансы къорд "Арс" фӕзынд Хуссар Ирыстоны ивгъуыд ӕнусы 90-ӕм ӕзты кӕрон. Фӕстӕдӕр бацыд Сывӕллӕтты сфӕлдыстадон галуаны дӕлбар. Къордмӕ ист цӕуынц сабитӕ фондз азӕй фӕстӕмӕ ӕмӕ скъолайы кары сывӕллӕттӕ.

Ног хабӕртты лентӕ
0