Хуссар Ирыстоны кæронмæ бахæццæ фæззыгон æрсидт

© Sputnik / Ада БагианНационалон гарзджын тыхтæ
Националон гарзджын тыхтæ - Sputnik Хуссар Ирыстон
Рафыссын
Националон гарзджын тыхтæм æрсидтæуыд 50 æрыгон лæппуйы, кæцытæм æнхъæлмæ кæсы Райгуырæн бæстæйыл иузæрдыгдзинады тыххæй ардбахæрд.

ЦХИНВАЛ, 14 дек — Sputnik. Хуссар Ирыстоны кæронмæ бахæццæ фæззыгон æрсидт, гарзджын тыхтæм æрсидтæуыд 50 æрыгон лæппуйы, фехъусын кодта къуырисæры Sputnik республикæйы æфсæддон комиссар Цхуырбаты Виталий.

Националон гарзджын тыхтæм фæззыгон æрсидт райдыдта даккæгæм ноябры президенты æмбæлон указы фæстæ. Хуссарирыстойнаг æфсад комплектаци цæуы æрсиддонтæй æмæ контракттæ чи бафыста, уыцы æфсæддон службæгæнджытæй, Гарзджын тыхты иумæйаг сконды15 % сты æрсиддонтæ. Æфсады службæйы æмгъуыд у иу аз æмæ æрдæг.

"Æрсиддон кампани кæронмæ бахæццæ, Националон гарзджын тыхтæм æрсидтæуыд 50 æрыгон лæппуйы. Ныр уыдон цæуынц æвзонг хæцæджы къурсытæ æмæ 20 декабры райсдзысты ардбахæрд", — загъта æфсæддон комиссар.

Æфсæддон службæ рацæуыны фæстæ æрсиддонтæн се ‘мбис бафыссы контракт Хъахъхъæнынады министрадимæ æмæ баззайы Гарзджын тыхты.
Хуссар Ирыстоны Гарзджын тыхтæ сырæзтызты 1990-æм æзты райдайæны, гуырдзиаг æфсад æмæ æнæформалон хотыхджын къодты ныхмæ тохтимæ æмрæстæджы. 1993-æм азы февралы хæдæфсад æмæ националон гвардийы дæлхæйттæй арæзт æрцыд республикæйы хъахъхъæнынады министрад, кæцыйæн уыд ахсджиаг нысаниуæг 2004 æмæ 2008 азты гуырдзиаг æфсады æрбабырст фæстæмæ аппарынæн.

Ног хабӕртты лентӕ
0