Гуырдзиаг-ирон арӕныл ПП боевиктӕ цӕттӕ кӕнынц хотыхджын провокацитӕ

© Sputnik / РИА Новости /  Ахизын медиабанкмæПысылмон паддзахады боевиктӕ
Пысылмон паддзахады боевиктӕ - Sputnik Хуссар Ирыстон
Рафыссын
Ногазон бӕрӕгбонты размӕ Пысылмон паддзахады боевиктӕ гӕнӕн ис сразой хотыхджын провокацитӕ гуырдзиаг-ирон арӕнмӕ ӕввахс.

ЦХИНВАЛ, 17 дек —Sputnik, Хъотайты Мария. Пысылмон паддзахады (ПП) боевиктӕ, кӕцытӕ ӕрӕмбырд сты Гурдзыстоны Панкисы комы, гӕнӕн ис ӕмӕ саразой хотыхджын провокацитӕ гуырдзиаг-ирон арӕнмӕ ӕввахс, фехъусын кодта инциденттӕ ма руаддзын ӕмӕ сӕ аиуварс кӕныны механизмты фембӕлды рӕстӕджы Хуссар Ирыстоны делегацийы сӕрдар Санахъоты Дауыт.

"Гуырдзыстоны Панкисы комы ӕрӕмбырд сты боевиктӕ, кӕцытӕ активонӕй архайдтой Уӕрӕсейы тобӕгонд террористон организаци ПП ӕвварс. Уыдон Гуырдзыстонмӕ ӕрбахызтысты Сирийы территорийӕ", — загъта Санахъоты Дауыт.

Уый бафиппайдта, зӕгъгӕ, барадхъахъхъӕнӕг органты информацимӕ гӕсгӕ, провокацитӕ цӕттӕ цӕуынц гуырдзиаг-ирон арӕнмӕ ӕввахс.

"Боевикты арахайд тӕссаг у ирон ӕмӕ уӕрӕсейаг арӕнхъахъхъӕнджытӕн, Гуырдзыйы полици ӕмӕ Европӕйы цӕдисы ӕхсӕнадӕмон цӕстдарджытӕн, кӕцытӕ сӕ хъус дарынц арӕны уавӕрмӕ. Уымӕй дарддӕр ма тӕссаг у адӕм давынӕй ӕмӕ арӕнгӕрон хъӕуты цӕрджыты цардуагон уавӕртӕ фендыгъддӕр кӕнынӕй", — загъта Санахъоты Дауыт.

Делегацийы сӕргълӕууӕджы ныхӕстӕм гӕсгӕ, провокациты нысан у арӕныл уавӕр фӕкарздӕр кӕнын ӕмӕ Уӕрӕсе ӕмӕ Гуырдзыстоны ӕхсӕн ахастытӕ фехалын.

"Нӕ информацимӕ гӕсгӕ, провокацитӕ цӕттӕ цӕуынц Цыппурсмӕ. Мах фембӕлды хайадисджытӕн фехъусын кодтам ацы информаци. Уыдон се ‘ппӕт дӕр сты гуырдзиаг-ирон арӕныл ӕдасдзинад бахъахъхъӕнны ӕвварс", — банысан кодта уый.

Уымӕй дарддӕр ма Санахъоты Дауыт фехъусын кодта, ног азӕй кӕй сног кӕндзысты ӕртӕварсон механизмты фембӕлдтӕ Ӕппӕтадӕмон сырх дзыуары комитеты хайадистӕй, Хуссар Ирыстоны ӕбӕрӕг сӕфт адӕмы хысмӕт раиртасыны тыххӕй.

Радон фембӕлд ацӕудзӕн 20 январы 2016 азы.

Ног хабӕртты лентӕ
0