06:11 21 ÆРТХЪИРÆНЫ МÆЙ
 2018
Комкоммӕ эфир
Санаторий в Нагутни

Хосгæнæн "Нагутни" улæфты сезон бакæндзæн июлы райдайæны

Фото из архива
Хуссар Ирыстоны
Чысыл дӕнцӕг
3010

Хосгæнæн ваннæтæ райсын, сыгъдæг уæлдæф сулæфын æмæ æрдзы рæсугъддзинæдтыл цæст ахæссыны фадат фæзындзæн июлы райдайæнæй хосгæнæн "Нагутни"-йы.

ЦХИНВАЛ, 23 май — Sputnik. "Нагутни" йæхи цæттæ кæны хосгæнæн улæфтытæ райдайынмæ. Хосгæнæны директор Чилæхсаты Владимир Sputnik куыд загъта, афтæмæй æрвылаз дæр мини-санаторий, йе нæниздзинадыл чи тыхсы, уыцы адæмæн сезон бакæны июлы райдайæны.

"Ныртæккæ кусджытæ цæттæ кæнынц хатæнтæ улæфджытæн, хосгæнæнмæ фæндæгтæ сыгъдæг кæнынц цъыфы зæйтæй. Ацы бынæтты уæлдæфы хъарм кæны Цхинвалимæ абаргæйæ рæгмæдæр, уымæ гæсгæ ам æцæг сæрд ныллæууы æрмæстдæр июны кæрæтты", — радзырдта Чилæхсаты Владимир.

Иу истæн "Нагутни" райсы 40 адæймаджы. Дæс боны балцæджы аргъ у дæс мин сомы. Ацы аргъы сты дыууæ æмæ æртæбынатон хатæны цард, хæрд бон æртæ хатты æмæ хосгæнæн процедурæтæ. Профцæдисты уæнгтæ æмæ ветерантæн аргъ у æрдæгыл.

"Балцæг у дæс бонæн. Улæфджытæ хæрынц бон æртæ хатты, аразынц сын массаж, ваннæтæ, кæцытæ æвæрццагæй æндавынц сæ нервты æмæ зæрдæйы системæтыл, афтæ ма стæджытыл дæр. Территорийы алыварс аив пейзажтæ æмæ сыгъдæг уæлдæф ахъаз сты, цæмæй организм хуыздæр суадза йæ фæллад", — загъта хосгæнæны директор.

Хосгæнæнæн фадат уаид фылдæр лæггæдтæ кӕнын адæмæн, ацы бынатмæ электрохахх уагъд куы уаид, уæд. Ныр уал хосгæнæн кусы дизелон генераторы руаджы, уый тыгъдад та фаг нæу хъуагдзинæдтæ иуварс кæнынæн. Хосгæнæны ма нæ ахсы мобилон бастдзинад дæр, уый та бæлвырд зындзинæдтæ хæссы пациенттæн дæр æмæ персоналæн дæр.

Сӕйраг темӕтӕ