16:38 24 РУХÆНЫ МÆЙ 2018
Комкоммӕ эфир
  • EUR77.68
  • USD66.16
Выпускной 2015

Рауагъдон хъомпал

© Sputnik / Ада Багиан
Хуссар Ирыстоны
Чысыл дӕнцӕг
21 0 0

11 къласы рауагъдонтæн банкет æмæ рауагъдон бал саразынӕн фадат уыдзæн æрмæстдæр хатдзæгон аттестацийы фæстæ.

ЦХИНВАЛ, 23 май — Sputnik, Хъотайты Мария. Хуссарирыстойнаг скъолаты 11 кълӕсты рауагъдонты банкет æмæ рауагъдон бал æрæзт æрцæудзысты æрмæстдæр хатдзæгон аттестаци рацæуыны фæстæ, фехъусын кодта Sputnik ахуырад æмæ зонады министр Гасситы Натали.

"Ахуырады министрады къамисы скъуыддзагмæ гæсгæ рауагъдон бал ауадзыны датæ снысан кодтам 21 июнмæ. Æрмæстдæр хатдзæгон аттестацийы фæстæ 11 къласы ахуыргæнинæгтæ суыдзысты рауагъдонтæ. Уæды онг та сты скъоладзаутæ", — загъта министр.

Йæ ныхæстæм гæсгæ, 25 майы алы сколайы дæр уагъд æрцæудзысты цытджын линейкæтæ æмæ 11-къласонтæн айзæлдзæн фæстаг дзæнгæрæг.

"25 майы изæрæй Театралон фæзуаты уагъд æрцæудзæн фæстаг дзæнгæрæгæн нывонд бæрæгбонон концерт", — бафтыдта йӕ ныхӕстӕм Гасситы Натали.

Рауагъдон фæлварæнтæ ацæудзысты 1-18 июны. 21 июны, балы фæстæ, рауагъдонтæн бар уыдзæн банкеттæ саразын. Кæд рауагъдонтæ тыхсынц, куыд ацæудзысты сӕ фæлварæнтæ, уæддæр балхæдтой аив дарæс рауагъдон бæрæгбонмæ. Бирæтæ дзы балхæдтой дыгай фæлысттæ. Дарæсы дуканитыл райдайынц зилын æрдæг аз раздæр. Бирæтæ телефонæй уынаффæтæ кæнынц фароны рауагъдонты ныййарджытимæ. Уыдон пайдаджын ныхæстæ сты: сӕ фæрцы базонæн ис хуыйджыты контакттæ, цæуыл гæнæн ис экономи саразын, уымæн æмæ рауагъдоны хæрдзтæ егъау вæййынц.

"Ацы аз нын тобæ сæвæрдтой фæлварæнтæй раздæр банкет уадзыныл, æмæ уый тыххæй нæ аразæм. Сфæнд кодтам банкеты бæсты кафейы абадын. Уый тыххæй балхæдтон къаба 17 мин сомæй, æрмæст ахæм хъуыдыимæ, цæмæй йæ уый фæстæ дæр дарон. Дыккаг къаба та у бæрæгбонон — раттон ыл 32 мин сомы", — радзырдта нын рауагъдон Хъазиты Викæ.

50 мин соммæ æввахс ацыд æрмæстдæр къабатыл. Разæй сæм æнхъæлмæ кæсынц рæсугъддзинады салон æмæ банкеты тыххæй хæрдзтæ. Ныййарджытæ цæттæ сты сæ хъæбулты рæсугъд бæллицтæ сæххæст кæнынмӕ. Ацы аз скъола каст фæуыдзысты 489 скъоладзауы æппæт республикæйы, 448 ахуыргæнинаджы та суыдзысты 9 классы рауагъдонтæ.

Сӕйраг темӕтӕ