Парламент æмæ ЦÆК бадзырдтой "биноныгдзинады ценз"-ы фæдыл

© Sputnik / Пресс-служба президента и правительства РЮОРХИ парламент
РХИ парламент - Sputnik Хуссар Ирыстон
Рафыссын
Президентон æвзæрстыты фæдыл законмæ ног барастгæнинæгтæ фæкарздæр кæндзысты домæнтæ президенттæм кандидаттæм, кæцытæ раразмæ кæндзысты сæ кандидатурæтæ радон æвзæрстыты 2017азы.

ЦХИНВАЛ, 27 июн — Sputnik. Хуссар Ирыстоны парламенты депутаттæ æмæ Централон æвзарæн къамисы минæвæрттæ æрцыдысты иумæйаг æмбырынадмæ "биноныгдзинады ценз" æмæ лингвистон къамисы архайды фæдыл. Парламенты президиумы рабадты фидар æрцыдысты президентон æвзæрстыты фæдыл законмæ барастгæнинæгтæ.

Майрæмбонмæ снысангонд президиумы рабадт уагъд не рцыд, уымæн æмæ закондæтджытæ дæр æмæ ЦÆК-ы минæвæрттæн нæ бантыст бадзурын рад фарстыты фæдыл.

РХИ парламент - Sputnik Хуссар Ирыстон
ЦӔК æмæ депутаттæ нӕ фидауынц æвзæрстыты закъонмӕ барастгӕнинӕгтыл

Æвзæрстон законмæ барастгæнинæгтæм гæсгæ, Хуссар Ирыстоны президенты бынатмæ кандидат йæ регистрацийы бонæй раздæр дæс азы хъуамæ иудадзыгæй цæра республикæйы территорийыл.

Уыимæ иумæ, уыцы "биноныгдзинады ценз"-мæ гæсгæ æмбæстаг хъуамæ азы мидæг 93 бонæй фылдæр ма хъуамæ уа республикæйæн æдде æнæ айсинаг æфсонæй.

Айсинаг æфсæнттыл нымад сты командировкæ, ахуыр æмæ хоскæнынад. Æмбæлон бæрæггæххæттытæ та хъуамæ дæттой æрмæстдæр паддзахадон органтæ.

Лингвистон къамисы куысты формат æмæ архайды фæдыл та, кæцы бæлвырд кæндзæн президенты бынатмæ кандидаты ирон æмæ уырыссаг æвзаджы зонындзинӕдтæ, скъуыддзаг æрцыд Хуссар Ирыстоны Зонад-иртасæн институты цур къамис саразын.

Æвзæрстон закъондæттынадмæ барастгæнинæгтæ бахаст æрцыдысты парламенты æввахс сессийы боныфæткмæ.

Хуссар Ирыстоны ЦÆК раздæр раразмæ кодта хъæппæрис, цæмæй æвзæрстон закъонмæ хъуамæ бахаст æрцæуой барастгæнинæгтæ, кæцытæ фæкарздæр кæндзысты президенты бынатмæ кандидаттæм домæнтæ.

Ног хабӕртты лентӕ
0