Хуссар Ирыстоны минæварæй Венесуэлайы нысан æрцыд Козаты Нарим

© Архивное фотоНарим Козаты
Нарим Козаты - Sputnik Хуссар Ирыстон
Рафыссын
Козайы фырт ацы бынатмæ нысан æрцыд дыккаг хатт. Уый ма у Хуссар Ирыстоны минæвар Никарагуайы дæр.

ЦХИНВАЛ, 30 июн — Sputnik. Президент Тыбылты Леонид снысан кодта Хуссар Ирыстоны ног минæвары Венесуэлайы. Уый у Козаты Нарим, фехъусын кодтой æртыццæджы Фæсарæйнаг хъуыддæгты министрады.

Ацы аз майы ма Козаты Нарим нысан æрцыд республикæйы минæварæй Никарагуайы. Уый кусдзæн ацы дыууæ бынаты.

"Козаты Наримы РХИ минæварæй Венесуэлайы снысан кæныны тыххæй указ республикæйы президент бафыста къуырисæры, 27 июны", — фехъусын кодтой дипломатон уагдоны.

Раздæр ацы дыууæ латиноамерикæйæг бӕстӕты нæ рæспубликæйы минæвар уыд Тыбылты Даниел, кæцы ацы аз февралы сæрибар æрцыд йæ бынатæй.

Козаты Нарим ма уыд Хуссар Ирыстоны минæвар Никарагуа æмæ Венесуэлайы, ацы бынаты куыста 2011 азы майæ 2012 азы июны онг.

Ног хабӕртты лентӕ
0