Мауро Мурджа: италиаг адӕммӕ ис стыр цымыдис Хуссар Ирмӕ

© Sputnik / Руслан ТадтаевМауро Мурджа
Мауро Мурджа - Sputnik Хуссар Ирыстон
Рафыссын
Хуссар Ирыстоны минӕвар Италийы банысан кодта, РХИ минӕварад Италийы бакӕныны хъуыддаг ӕрмӕст стыр политикон цау кӕй нӕ уыд, фӕлӕ ма ноджы иу фадат италиаг адӕмы Хуссар Ирыстонимӕ базонгӕ кӕнынӕн.

ЦХИНВАЛ, 14 июл — Sputnik, Козаты Дианӕ. Италиаг адӕммӕ ис стыр цымыдис Хуссар Ирмӕ ӕмӕ арӕх ӕрбахатынц алыгъуызон фарстытимӕ республикӕйы ФХМ официалон минӕварадмӕ Римы, загъта Sputnik Хуссар Ирыстоны минӕвар Италийы Мауро Мурджа.

Хуссар Ирыстоны минӕварад Италийы официалон ӕгъдауӕй байгом ацы аз апрелы ӕмӕ ссис дыууӕ бӕстӕйы минӕвӕртты ӕртӕазон куысты хатдзӕг.

"Минӕварады офис кусы къуырисӕрӕй майрӕмбонмӕ 9.00 сахатӕй 17.00 сахаты онг. Алкӕмӕн дӕр фадат ис цыфӕнды фарстимӕ дӕр ӕрбахатын. Нӕ хъӕуы рох кӕнын, хуссарирыстойнаг ӕмбӕстӕгтӕ афтӕ бирӕ кӕй не сты Италийы, фӕлӕ уӕддӕр куырдиӕттӕ вӕййы", — загъта Мурджа.

Йӕ ныхӕстӕм гӕсгӕ, РХИ минӕварад Италийы бакӕныны хъуыддаг ӕрмӕст стыр политикон цау нӕ уыд, фӕлӕ ма ноджы иу фадат италиаг адӕмы Хуссар Ирыстонимӕ базонгӕ кӕнынӕн.

Мауро Мурджа: РХИ минӕвары офисы фӕзынд Италийы у нысаниуӕгджын цау

Уый зӕрдыл ӕрлӕууын кодта, офис бакӕныны фӕстӕ Гуырдзыстоны Фӕсарӕйнаг хъуыддӕгты фӕдыл министрад кӕй барвыста официалон ӕнӕразыдзинад италиаг ӕддагполитикон ведомствӕмӕ.

"Хъуыддаг уый мидӕг ис, ӕмӕ дзуаппон дипломатон фыстӕгӕй Фӕсарӕйнаг хъуыддӕгты министрад бафидар кодта сымах хӕдбар паддзахады уӕвындзинад. Уыдон хъазынц сӕхи ныхмӕ", — банысан кодта Мурджа.

Минӕварад ӕмӕ Итали — Хуссар Ирыстоны хӕларады ӕхсӕнады хъӕппӕрисӕй уагъд цӕуынц алыгъуызон культурон мадзӕлттӕ. Хуссар Ирыстонӕн нывонд равдыст Италийы уагъд цыд фондз хатты. Уымӕй дарддӕр ма Италийы горӕттӕ ӕмӕ Цхинвалы ӕхсӕн бафыст ӕрцыд хӕларад ӕмӕ ӕмгуыстады фӕдыл протоколтӕ.

"Уый стыр куыст у, минæварады куыст цæуы æрвылбон. Италийы æппæт горæтты дæр ис нæ офисы минæварадтæ. Хуссар Ирыстоны равдыст та ногæй ацæудзæн мæйы кæрон Италийы горæттæй сæ иуы", — радзырдта уый.

Ацы аз майы Хуссар Ирмæ æрцыд пианистка, Россинийы номыл Консерваторийы профессор Франческа Матачени. Уый радта концерттæ Цхинвалы музыкалон ахуыргæнæндоны. Мауро Мурджа фехъусын кодта, мæйы кæрон дыууæ хуссарирыстойнаг музыканты рацæудзысты дыууæмæйон ахуыр Россинийы консерваторийы.

Франческа Матаченийы концерт Цхинвалы - Sputnik Хуссар Ирыстон
Италиаг пианисткӕ Франческа Матачени ратта Цхинвалы концерт

Цхинвалы абон конд æрцыдысты Италийы кинойы бонтæ. Мадзал сарæзта Хуссар Ир æмæ Италийы хæларады æхсæнад фæсарæйнаг хъуыддæгты æмæ культурæйы министрæдты æххуысæй.

"Ныфс нæ ис, италиаг кинонывтæ æхцондзинад æрхæсдзысты æмæ барухс кæндзысты Хуссар Ирыстоны цæрджыты зæрдæтæ", — бафтыдта йæ ныхæстæм Мауро Мурджа.

2013 азы Хуссар Ирыстон æмæ Абхазы республикæтæ бахатыдысты Итали æмæ Сан-Мариномæ сæ хæдбардзинад банымайыны фæдыл. Уымæй дарддæр ма италиаг политикон партитимæ ахастытæ фидар кæнынц Хуссар Иры политикон баиугæндтæ.

Ног хабӕртты лентӕ
0