11:28 21 КÆФТЫ МÆЙ
 2018
Комкоммӕ эфир
  • EUR75.32
  • USD65.81
Министр иностранных дел Южной Осетии Мурат Джиоев

Джиоты Мурӕт Кузьмайы фырт. Справкӕ

© Sputnik / Илья Питалев
Хуссар Ирыстоны
Чысыл дӕнцӕг
8 0 0

ЦХИНВАЛ, 9 авг — Sputnik. Хуссар Ирыстоны президент дыццӕджы бафыста указ Джиоты Мурӕт Кузьмайы фырты республикӕйы фӕсарӕйнаг хъуыддӕгты министрӕй снысан кӕныны фӕдыл.

Биографион справкӕ

Джиоты Мурӕт Кузьмайы фырт — зынгӕ паддзахадон ӕмӕ ӕхсӕнадон архайӕг, историкон зонӕдты кандидат, доцент, райгуырд 1955 азы 1 октябры, Хуссар Ирыстоны Дзауы районы Бузалайы хъӕуы.

1977 азы каст фӕцис Хуссар Ирыстоны паддзахадон педагогон институты историкон факультет, 1977-1981 азты ахуыр кодта Ломоносовы номыл Мӕскуыйы паддзахадон университеты аспирантурӕйы.

1981-1998 азты — Хуссар Ирыстоны зонадон-иртасӕн институты кӕстӕр зонадон кусӕг, хистӕр зонадон кусӕг, зонадон секретарь.

1990 — 1993 азты уыд Хуссар Ирыстоны Сӕйраг Советы депутат.

У 20-ӕй фылдӕр зонадон куыстыты автор. 1998 азы Джиоты Мурӕт нысан ӕрцыд ӕддагон бастдзинӕдты министрӕй, фӕстӕдӕр Фӕсарӕйнаг хъуыддӕгты министрӕй. Ацы бынаты куыста 2012 азы онг.

2016 азы 9 августы онг куыста Фӕсконфликтон уавӕр ӕрнывыл кӕныны фарстыты фӕдыл РХИ президенты ӕххӕстбарджын минӕварӕй. Лӕууыд ма Фӕскавказы ӕдасдзинады фӕдыл Женеваг дискусситы рӕстӕджы Хуссар Ирыстоны делегацийы сӕргъ.

Ис ын бинонтӕ, дыууӕ лӕппуйы.

У паддзахадон хорзӕхты хицау, Днестргӕрон Молдаваг республикӕйы дипломатон службӕйы сгуыхт кусӕг.

Сӕйраг темӕтӕ