20:55 27 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Ахуыргӕнӕг

Хуссар Ирыстоны нысан кӕнынц ахуыргӕнӕджы бон

© Sputnik / Ада Багиан
Хуссар Ирыстоны
Чысыл дӕнцӕг
11 0 0

Ахуыргӕнджыты цытӕн республикӕйы уагъд ӕрцӕудзысты цытджын мадзӕлттӕ, сӕ профессионалон бӕрӕгбоны тыххӕй сын раарфӕ кодта президент Тыбылты Леонид.

ЦХИНВАЛ, 5 окт — Sputnik. Ахуыргӕнӕджы бон нысан кӕнынц ӕртыццӕджы Хуссар Ирыстоны. Ацы боны цытӕн республикӕйы скъолаты уагъд ӕрцӕуыдзысты алыгъуызон мадзӕлттӕ, официалон мадзӕлттӕ уагъд ӕрцӕудзысты цыппӕрӕм ӕмӕ майрӕмбоны, фехъусын кодтой Sputnik ахуырады министрады.

"Министрадӕн йӕхимидӕг ратдзысты хорзӕхтӕ, иумӕйаг республикон мадзал та арфӕтимӕ ӕмӕ ахуыргӕнджытӕн хорзӕхтӕ раттынимӕ уагъд ӕрцӕудзӕн майрӕмбоны ПККЗ "Чермены", — загъта Sputnik министр Гасситы Натали.

Абон та ахуыргӕнджытӕн сӕ профессионалон бӕрӕгбоны тыххӕй раарфӕ кодта президент Тыбылты Леонид.

"Ахуыргӕнджытӕ кӕдфӕндыдӕр бӕрзонд хастой сӕ профессионалон къӕпхӕн, ӕнтыстджынӕй цыдысты ӕмӕ цӕуынц рӕстӕгимӕ иумӕ, ӕрвылбон кусынц ахуырады гъӕд фӕбӕрзонддӕр кӕныныл, хъахъхъӕнынц равзаргӕ профессийы кад. Уӕ фӕллойы сӕйраг фӕстиуджытӕ сты уӕ рауагъдонтӕ, нӕ республикӕйы цымыдисаг ӕмӕ вазыгджын хъуыдыкӕнынадимӕ ӕрыгон ӕмбӕстӕгтӕ", — банысан кодта Тыбылты Леонид.

Уый бафиппайдта, "ахуыргӕнджыты профессионалондзинад, сӕ хъуыддаг ӕмӕ сывӕллӕтты уарзондзинады фӕрцы кӕй раргом вӕййынц ахуыргӕнинӕгты курдиаттӕ ӕмӕ адӕймагадон миниуджытӕ".

Президенты цӕст ахуыргӕнджытӕн бауарзта "хъарм ахастытӕ сӕ ахуыргӕнинӕм, бузныг ныййарджытӕй, коллегӕты ′рдыгӕй та сӕ куыстӕн бӕрзонд аргъ ӕмӕ кад".

Сӕйраг темӕтӕ