ХИПУ фыццагкурсонтæн ацыд студенттæм бахизыны цытджын церемони

© Sputnik / Михаил ХасиевХИПУ фыццагкурсонтæн студенттæм бахизыны цытджын цермони
ХИПУ фыццагкурсонтæн студенттæм бахизыны цытджын цермони - Sputnik Хуссар Ирыстон
Рафыссын
Зноны скъоладзаутӕ ард бахордтой сæ ахуыргæнджытӕ æмæ æхсæнады минæвæртты раз, хорз кæй ахуыр кæндзысты æмæ Ирыстоны размæцыдыл кæй архайдзысты.

ЦХИНВАЛ, 12 окт — Sputnik, Плиты Фатимӕ. Хуссар Ирыстоны паддзахадон университеты фыццагкурсонты студенттæм бахизыны цытджын церемони уагъд ӕрцыд Цхинвалы, ПККЗ "Чермены". 

Зноны скъоладзаутӕ ард бахордтой сæ ахуыргæнджытӕ æмæ æхсæнады минæвæртты раз, хорз кæй ахуыр кæндзысты æмæ Ирыстоны размæцыдыл кæй архайдзысты.

Здание института - Sputnik Хуссар Ирыстон
ХИПУ райста 670 фыццагкурсоны

Паддзахады сæргълæууæг Тыбылты Леонид раафрæ кодта студенттæн ацы нысаниуӕгджын боны цытӕн ӕмӕ банысан кодта, Хуссар Иры президенттæ се ‘ппæт дæр фесты каст ХИПУ.

"Зæгъæн ис, æмæ сæххæст ис фыццагкурсонтæн дæр сæ бæллиц — ссисты нӕ университеты студенттæ, сымахимæ кусдзысты диссаджы ахуыргæнджытæ, профессортæ, ахуыргæндтæ. Уырны мæ, æппæт дæр кӕй араздзыстут республикӕйы размæцыдæн æмæ сæйраджыдӕр та уыдзыстут ирон æгъдауæй æххæст", — загъта президент.

Тыбылты Леонид ма ХИПУ авд хуыздæр студентæн радта президентон стипендитæ. Президентон стипенди лæвæрд цæуы, иттæг хорз нысæнттыл чи ахуыр кæны æмæ æхсæнадон царды активонæй чи архайы, ахæм студенттæн.

Университеты ректор Тедеты Вадим базонгæ кодта æрæмбырдуæвджыты ахуырадон уагдоны æнтыстытимæ — университет сфидар кодта æмгуыстадон ахастытæ Уæрæсейы бирæ уæлдæр ахуыргæнӕндæттимæ. Уый фæрцы ХИПУ рауагъдонтæ сæ ахуыр аддарддæр кæнынц уæрæсейаг аспирантурæтæ æмæ магистратурæты, организацигод цæуынц зонадон конкурстæ æмæ конференцитæ.

"ХИПУ æмæ ЦИПУ — Ирыстоны дыууæ сæйраг университетыл ис ирон æвзаг æмæ литературæ, культурæ æмæ истори бахъахъхъæныны æмæ йæ размæцыдыл архайыны бæрн", — загъта уый.

© Sputnik / Плиты ФатимаХИПУ фыццагкурсонтæн студенттæм бахизыны цытджын цермони
ХИПУ фыццагкурсонтæн студенттæм бахизыны цытджын цермони - Sputnik Хуссар Ирыстон
1/4
ХИПУ фыццагкурсонтæн студенттæм бахизыны цытджын цермони
© Sputnik / Михаил ХасиевХИПУ фыццагкурсонтæн студенттæм бахизыны цытджын цермони
ХИПУ фыццагкурсонтæн студенттæм бахизыны цытджын цермони - Sputnik Хуссар Ирыстон
2/4
ХИПУ фыццагкурсонтæн студенттæм бахизыны цытджын цермони
© Sputnik / Михаил ХасиевХИПУ фыццагкурсонтæн студенттæм бахизыны цытджын цермони
ХИПУ фыццагкурсонтæн студенттæм бахизыны цытджын цермони - Sputnik Хуссар Ирыстон
3/4
ХИПУ фыццагкурсонтæн студенттæм бахизыны цытджын цермони
© Sputnik / Михаил ХасиевХИПУ фыццагкурсонтæн студенттæм бахизыны цытджын цермони
ХИПУ фыццагкурсонтæн студенттæм бахизыны цытджын цермони - Sputnik Хуссар Ирыстон
4/4
ХИПУ фыццагкурсонтæн студенттæм бахизыны цытджын цермони
1/4
ХИПУ фыццагкурсонтæн студенттæм бахизыны цытджын цермони
2/4
ХИПУ фыццагкурсонтæн студенттæм бахизыны цытджын цермони
3/4
ХИПУ фыццагкурсонтæн студенттæм бахизыны цытджын цермони
4/4
ХИПУ фыццагкурсонтæн студенттæм бахизыны цытджын цермони

Ректор ма банысан кодта, кæй йын уыд фембæлдтæ йӕ уæрæсейаг коллегӕтимæ республикæйы сæйраг уæлдæр ахуыргæнӕндоны бындурыл æфсæддон кафедрæ саразыны оххыл.

Студенттӕн ма арфæйы фыстæджытæ æмæ видео-арфæтæ ‘рцыдысты Уæрæсейы раззагондæр университетты къухдариуæгадтæй.

Мадзалы рӕстӕджы ма сценæйæ фыццагкурсонтæ раарфæ кодтой сӕ ахуыргӕнджытӕн ӕмӕ уæрæсейаг æхсæнадон организациты минæвæрттæн. Церемони адарддӕр концертӕй — ӕрӕмбырдуӕвджытӕн музыкалон номыртæ балæвар кодтой ХИПУ-йы студенттæ, ахуыргæнджытæ æмæ Уæрæсейы цыппæрæм æфсæддон базæйы службæгæнджытæ.

Ног хабӕртты лентӕ
0