Цхинвалы загътой Къостайы премийы лауреатты нæмттæ

© Архивон къамКъостайы цырт Сабарады проспектыл
Къостайы цырт Сабарады проспектыл - Sputnik Хуссар Ирыстон
Рафыссын
Хетæгкаты Къостайы номыл паддзахадон преми фидар æрцыд президенты барамындмæ гæсгæ 2009 азы, лæвæрд цæуы дыууæ азы иу хатт.

ЦХИНВАЛ, 14 окт — Sputnik. Хуссар Ирыстоны фæбæрæг сты Хетæгкаты Къостайы номыл премийы лауреаттæ. Ӕмбӕлон указ майрæмбоны бафыста президент Тыбылты Леонид.

Хетæгкаты Къостайы номыл паддзахадон преми фидар æрцыд президенты барамындмæ гæсгæ 2009 азы, лæвæрд цæуы дыууæ азы иу хатт. Хицæн æзты йæ лауреаттæ ссисты фысджытæ — Хъазиты Мелитон, Хъодалаты Герсан, историктæ — Гаглойты Юрий, Гаглойты Роберт æмæ æндæртæ.

156 лет со дня рождения Коста Хетагурова - Sputnik Хуссар Ирыстон
Къостайы премимæ Хуссар Ирыстоны равзӕрстой 12 куысты

Литературæйы къабазы премийы лауреат ссис Плиты Гацыр йæ дыууæ чиныджы "Ирон литературæйы истори" æмæ "Къостайы дунейы" тыххæй, кæцытæ уагъд æрцыдысты 2014 æмæ 2016 ӕзты.

Историон зонæдты фадыджы паддзахадон къамис аккагыл банымадта ЗИИ хистæр зонадон кусæг Бигъуылаты Иринайы чиныг "Коста Леванович Хетагуров: научная биография".

Филологийы та — ХИПУ ахуыргæнæг Кокойты Теймуразы дыууæтомон чиныг "Русско-осетинский энциклопедический словарь по биологии и медицине. Неологизмы и система терминов".

Публицистикӕйы къабазы та преми райстой ХИПУ ахуыргæнджытæ Тедеты Заира æмæ Хъодалаты Хансиат журнал "Русское слово в Южной Осетии"-йы тыххæй.

Ног хабӕртты лентӕ
0