Хуссарирыстойнаг "Амонд" хайад райсдзæн фестиваль "Зори Алании"-йы

© Sputnik / Ада БагианКонцерт 3 ансамблей на стадионе
Концерт 3 ансамблей на стадионе - Sputnik Хуссар Ирыстон
Рафыссын
Адæмон кафты VII æхсæнадæмон фестиваль "Зори Алании" цæудзæн Цӕгат Ирыстоны 18-20 октябры. Бирæнымæц цæгаткавказаг коллективты æмрæнхъ мадзалы архайдзæн Цхинвалы районы ансамбль "Амонд" дæр.

ЦХИНВАЛ, 17 окт — Sputnik, Плиты Фатимæ. Цхинвалы районы адæмон кафты ансамбль "Амонд" хайад райсдзæн VII æхсæнадæмон фестиваль "Зори Алании"-йы, фехъусын кодтой Sputnik РХИ культурæйы министрады пресс-службӕйы.

Адæмон кафты VII æхсæнадæмон фестиваль "Зори Алании" цæудзæн Цӕгат Ирыстоны 18-20 октябры.

Амонд фестиваль Терпсихора России-йӕ ӕрхаста фыццаг бынат - Sputnik Хуссар Ирыстон
"Амонд" фестиваль "Терпсихора России"-йӕ ӕрхаста фыццаг бынат

"Уагæвæрдмæ гæсгæ, фестивалы архайдзысты адæмон кафты коллективтæ, кæцыты сконд нæ хизы 20 адæймагæй. Фестивалы фæлгæтты ма ацæудзæн тымбыл фынг, цыран ӕрдзурдзысты нырыккон адӕмон хореографийы традицион фольклоры элементтӕй пайда кӕныны мадзӕлттыл. Фестивалы кæрон коллективтæн лæвæрд æрцæудзысты дипломтæ æмæ зæрдылдарæн лæвæрттæ", — радзырдта министрады пресс-секретарь Остъаты Мӕдинӕ.

Фестивалы архайджытæй организатортӕ развæлгъау домынц ансамблы фæдыл информаци, сæ бæстæйы паддзахадон гимн, тырыса æмæ сæ ралæудты 5, 10 æмæ 40 минутон нывæзт.

Мадзалы организатор у РЦИ традицион культурæ æмæ этнотуризмы центр "ФАРН", арæзт цæуы УФ æмæ РЦИ-А культурæйы министрæдты барамындæй.

Ног хабӕртты лентӕ
0