Къозонты Алан раразмӕ кӕндзӕн йӕ кандидатурӕ РХИ президенты ӕвзӕрстыты

© Пресс-служба парламента РЮОДепутат Алан Козонов
Депутат Алан Козонов - Sputnik Хуссар Ирыстон
Рафыссын
Къозонты Алан парламенты ис парти "Адӕмы иудзинад"-ы сконды, фӕлӕ йын йӕ кандидатурӕ раразмӕ кодтой фарсхӕцджыты къорд.

ЦХИНВАЛ, 26 янв — Sputnik. Хуссар Ирыстоны Централон ӕвзарӕн къамис райста хъусынгӕнӕн инициативон къордӕй, кӕцы фӕнд кӕны раразмӕ кӕнын президенттӕм кандидатӕй парламенты депутат Къозонты Аланы, загътой Sputnik ЦӔК-ы.

"Махмӕ ӕрбахатыд инициативон къорд Хуссар Ирыстоны парламенты депутат Къозонты Аланы президентӕм кандидатӕй раразмӕ кӕныны тыххӕй. Йӕ кандидатурӕ йын цы ӕмбырды раразмӕ кӕндзысты, уый уагъд ӕрцӕудзӕн 30 январы Республикон соматикон рынчындоны бӕстыхайы", — банысан кодтой ЦӔК-ы.

Къозонты Алан у парти "Адӕмы иудзинад"-ӕй депутат, фӕлӕ йын йӕ кандидатурӕ размӕ кӕны политикон баиугӕнд нӕ, фӕлӕ фарсхӕцджыты къорд. Парламенты Къозоны фырт у ӕнӕниздзинад хъахъхъӕныны фӕдыл комитеты разамонӕг.

здание правительства - Sputnik Хуссар Ирыстон
Тыбылты Леонид бахӕс кодта ЦӔК-ӕн лингвистон къамис саразын

Хуссар Ирыстоны президенты ӕвзӕрстытӕ уагъд ӕрцӕуыдзысты 9 апрелы.

Раздӕр Цхинвалы уагъд ӕрцыд парти "Иугонд Ирыстон"-ы ӕвзӕрстагъоммӕ съезд, кӕцы раразмӕ кодта йӕ лидер Бибылты Анатолийы президенты бынатмӕ кандидатӕй. Ног къуыри ацӕудзысты инициативон къордты ӕвзӕрстагъоммӕ ӕмбырдтӕ, кӕцытӕ фӕнд кӕнынц раразмӕ кӕнын сӕйраг паддзахадон постмӕ архайгӕ президент Тыбылты Леониды ӕмӕ экс-президент Кокойты Эдуарды.

Ног хабӕртты лентӕ
0