Цхинвайлаг "Барсалан" ссис фыццаг футболæй турниры Дагомысы

© Sputnik / Алексей Филиппов /  Ахизын медиабанкмæФутбол
Футбол - Sputnik Хуссар Ирыстон
Рафыссын
Хуссарирыстойнаг футболисттæ дыккаг аз фæд-фæдыл ссисты турниры уæлахиздзаутæ, кæцы æрвылаз цæуы Дагомысы

ЦХИНВАЛ, 5 апр — Sputnik, Козаты Диана. Хуссарирыстойнаг футболон командæ "Барсалан" бацахста фыццаг бынат советон футболист Валентин Бубукины IX номарæн турниры, загъта Sputnik командæйы тренер Кокойты Юрий.

Хуссарирыстойнаг командæ фыццаг хатт не ссис Дагомысы æрвалазон турниры уæлахиздзау. Ӕрыгон футболисттæ фарон дæр бацахстой фыццаг бынат.

"Турниры райстой хайад цалдæр кары къорды футболисттæ. Хуссар Ирыстоны кад хъахъхъæдтой 2002 азы гуырд спортсментæ. Нæ футболисттæ иттæг хорз ауагътой финалагъоммæ фембæлдтæ, цы ран фембæлдысты командæтимæ Красногорскæй, Темрюкæй, Мæскуы æмæ Санкт-Петербургæй", — загъта Кокойты Юрий.

Тренер банысан кодта, матчтæ иууылдæр, мæскуыйаг "Олимпик-80"-имæ фембæлдæй дарддæр, командæ рамбылдта стыр хыгъдæй, мæскуыйаг командæимæ хъазт фæцис æмдыхæй — 1:1.

Финалы командæ "Барсалан" фембæлд Сочийы командæимæ, кæцыйыл фæуæлахиз 1:0-æй.

минифутбол - Sputnik Хуссар Ирыстон
Мини-футболæй Козаты Левы номарæн турниры уæлахидзау ссис 5-ӕм скъола

"Фаронимæ абаргæйæ командæйы сконд фæлæмæгъдæр, бирæ раззагон хъазджытæ ацыдысты командæйæ æндæр æмæ æндæр аххосæгтæм гæсгæ — чидæртæ дзы сæ цæрæн бынат аивтой, чи та æндæр горæтмæ ахуыр кæнынмæ ацыд. Фæлæ, уымæ æнæкæсгæйæ, командææ ахъазыд хорз æмæ турнирæй цы фæстиуджытимæ æрæздæхт, уый бирæйыл дзурæг у", — загъта тренер.

Уый бафтыдта, фыццаг бынатæй дарддæр ма, турниры хуыздæр хъазæгыл нымад кæй æрцыд хуссарирыстойнаг командæйы архайæг Дудайты Александр.

Тренеры ныхæстæм гæсгæ, ныр та футболисттæ сæхи цæттæ кæнынц турнирмæ, кæцы ацæудзæн октябры Хъырымы, фæлæ уырдæм ацæуыны фадат уыдзæн кæстæрдæр кары — 2006 азы гуырд спортсментæн.

"Уыдон иу хатт дæр никуыма уыдысты республикæйæн æддейæ хъæзтыты, уый та æнæмæнгхъæуæг у фæлтæрддзинадæн. Афон у. Мах ныфс ис, кæй нын баххуыс кæндзысты финанстимæ æмæ нæ спортсментæ райсдзысты хайад матчты", — балхынцъ кодта тренер.

Уый загъта бузныг фæсивæдон политикæ, спорт æмæ туризмы фæдыл комитеты сæргълæууæг Зассеты Сергейæн бакæнгæ æххуысы тыххæй æмæ йæ ахъазы тыххæй В. Бубукины номарæн турнирмæ балцы тыххæй.

Ног хабӕртты лентӕ
0