РХИ бастдзинады комитеты сæргълæууæджы фæнадтой æмæ дзы байстой æхца

© Sputnik / Алексей КовалевДменис арбузы
Дменис арбузы - Sputnik Хуссар Ирыстон
Рафыссын
Хуссар Ирыстоны барадхъахъхъæнæг органтæ агурынц фыдгæнджыты, кæцытæ цыппæрæмы æхсæвы балæбурдтой Хуссар Ирыстоны дзыллон коммуникацитæ æмæ бастдзинады комитеты сæргълæууæг Джиголаты Хасаны хæдзармæ, фæнадтой йæ æмæ дзы байстой æхца.

ЦХИНВАЛ, 12 май — Sputnik, Хъотайты Мария. Ӕбæрæг гоймæгтæ балæбурдтой Хуссар Ирыстоны дзыллон коммуникацитæ æмæ бастдзинады комитеты сæргълæууæг Джиголаты Хасаны хæдзармæ Дменисы, фæнадтой сæ йæ цардæмбалимæ æмæ сæ байстой æхца, фехъусын кодтой Sputnik МХМ-ы пресс-службæйы.

Ведомствæйы ма банысан кодтой, хæдзарæй кæй ахастой сыгъзæрин дзауматæ æмæ егъау суммæ æхца.

"Фыдгæнджыты æрцахсын нын нырма нæ бантыст. Уагъд цæуынц оперативон-агурæн мадзæлттæ", — загътой МХМ-ы.

Джиголаты сыхæгтæ радзырдтой, фыдгæнджытæ кæй уыдысты цыппарæй æмæ сыл уыд маскæтæ.

Цхинвалы автовокзал - Sputnik Хуссар Ирыстон
Оперативон кусджытӕ фӕхӕст сты цхинвайлаг автовокзалы къӕрныхы фӕдыл

"Хæдзармæ балæбурдтой маскæты, бакалдтой Хасан æмæ йæ цардæмбалыл бензин, æмæ бартхъирæн кодтой уыдоныл арт бафтауын, кæд æмæ æхца æмæ хæзнатæ нæ рахæссой, уæд", — радзырдтой сыхæгтæ.

Республикон рынчындоны куыд фехъусын кодтой, афтæмæй Джиголаты Хасаны фæхæццæ кодтой медицинон уагдонмæ, цы ран ын бакондæуыд фыццаг æххуыс, фæлæ госпитализацийыл не сразы.

Джиголаты Хасаны зианбаййафæг цардæмбал не сразы медицинон уагдонмæ бацæуын, загътой рынчындоны.

Ног хабӕртты лентӕ
0