ЦХИНВАЛ, 5 июл — Sputnik. Ӕртӕ хуссарирыстойнаг рауагъдоны сæ ахуыр адарддæр кæндзысты Уæрæсейы Уæлвæткон уавæрты минстрады уæлдæр ахуыргæнæндæтты. Уыдонӕн райгуырæн бæстæйы раз сæ хæс намысджынæй æххæст кæныны фӕдыл ард бахæрды церемони цытджын уавæры ацыд Цхинвалы.
Ӕмбæстагон хъахъхъæнынады академийы студент ссис Куымæридтаты Алан. Къæбысты Сæрмæт æмæ Дыгъуызты Ацæмæз та баххæст кодтой УФ УУМ зынгсирвæзты паддзахадон службæйы академийы ахуырдзауты рæнхъытæ.
Ацы фæсивæд рацыдысты равзæрст, радтой иттæг хорз нысæнттыл фæлварæнтæ, хорз бæрæггæнæнтæ равдыстой физикон цæттæдзинадæй.
Уæлвæткон уавæрты министр Тадтаты Алан банысан кодта йӕ раныхасы церемонийы рӕстӕджы, ӕвзонг фӕлтӕрыл кӕй ӕвӕрынц стыр ныфс ӕмӕ уыдон кæй нæ фæмæнг кæндзысты се ʻнхъæлцтæ.
"Ӕввахс бонты суыдзыстут элитон ахуыргæнæндæтты студенттæ, цы ран цæттæ кæнынц Хуссар Иры УУМ-ӕн фидæны специалистты. Ныридæгæн Уæрæсейы ацы хаххыл ахуыр кæнынц 14 студенты, дыууæйæ æрыздæхтысты Ирыстонмæ, уыдонæн цæттæ сты сæ бынæттæ", — загъта Тадтаты Алан.
Уый ма банысан кодта, президенты фæрцы кӕй бантыст аскъуыддзаг кæнын, уæлвæткон уавæрты хаххыл Уæрæсейы цы фæсивæд ахуыр кæны, уыдон стипендийæ сифтонг кæныны фарст.
