ЦХИНВАЛ, 17 июл — Sputnik. Хуссар Ирыстоны Дзауы районы сæргълæууæг Чилæхсаты Владимир сæрибар æрцыд йæ куыстæй, йæ бынатмæ республикæйы президент Бибылты Анатолий снысан кодта Макъоты Уырызмæджы, фехъусын кодтой Хуссар Ирыстоны президенты пресс-службæйы.
Чилæхсаты Владимир районы администрацийы сæргъ лæууыд 2012 азæй. Афтæ ма у политикон парти "Адæмы иудзинад"-ы лидер, кæцыйæн парламенты ис æхсæз депутаты.
Цыбыр биографион справкæ
Макъоты Уырызмæг Яковы фырт райгуырд 1958 азы 28 октябры Хуссар Иырстоны Дзауы районы Дзауы поселочы.
1979 азы каст фæцис Хуссар Ирыстоны паддзахадон педагогон институт.
1079-1985 æзты куыста Дзауы районы физикон культурæ æмæ спорты комитеты сæргълæууæгæй.
1987 азæй 2016 азмæ йын уыд чысыл амалиуæгад.
