ЦХИНВАЛ, 15 сен — Sputnik. Хуссар Ирыстоны президент Бибылты Анатолий йæ бынатæй ссæрибар кодта экологон, технологон æмæ арæзтадон цæстдарды комитеты хистæр Тъехты Суликъойы, хъусын кæны паддзахады сæргълæууæджы пресс-службæ.
Абон ма президент снысан кодта комитеты сæрдары хæстæ æххæстгæнæгæй Гæззаты Аленайы.
Биографион справкæ
Гæззаты Алена Виталийы чызг райгуырдта 23 марты 1987 азы.
2009 азы каст фæцис Цæгат-Кавказы хæххон-металлургон институт инженер-эколог дæсныйадыл
2009 — 2010 æзты куыста Хуссар Ирыстоны Ӕрдзон ресурсты æмæ экологийы министрады.
2013 азæй ныры онг разамынад лæвæртта экологон, технологон æмæ арæзтадон цæстдарды комитеты экологон хайадæн.
