Хуссар Ирыстоны премьер æрдомдта карз мадзæлттæ хъалонты фæдыл

Хуссар Ирыстоны премьер æрдомдта карз мадзæлттæ хъалонты фæдыл
Хуссар Ирыстоны премьер æрдомдта карз мадзæлттæ хъалонты фæдыл - Sputnik Хуссар Ирыстон
Рафыссын
Фиддонтæ æрмæст цæрджыты иу хай нæ фиды, фæлæ ма кæцыдæр коммерцион æмæ бюджетон организацитæ

ЦХИНВАЛ, 15 ноя — Sputnik. Хуссар Ирыстоны премьер Пухаты Эрик æрдомдта райсын карз мадзæлттæ цæрæнуатон-коммуналон хæдзарады (ЦКХ) лæггæдты фæдыл фиддонтæ æмбырдкæнынад фæфылдæр кæныны фæдыл, хъусын кæны президенты æмæ хицауады пресс-службæ.

ЦКХ-ы лæггæдты фиддонтæ фидыны ныллæг æмвæзадыл дзырд цыд æртыццæджы, хицауады сæрдар цы рабадт уагъта, уым.

Пухаты Эрик - Sputnik Хуссар Ирыстон
Пухаты Эрик ауагъта æмбырд ЦКХ-ы лæггæдты гъæд æмæ тарифты фæдыл

"Афæдз кæронмæ фæхæццæ кæны æмæ мах хъæуы сæхгæнын нæ хæстæ ЦКХ-ы фæдыл. Махæн нæ бон нал у уазал цæстæнгасæй кæсын цæрæн-коммуналон лæггæдтæй ифтонггæнджыты раз рæзгæ хæсмæ. Домын райсын æппæт æнæмæнгхъæуæг мадзæлттæ: организацион, информацион, барадон, цæмæй цæрджытæ, коммерцион æмæ бюджетон организацитæ фидой сæ хæстæ. Ныфс мæ ис, хъуыддаг кæй не ′рцæудзæн карз мадзæлтты онг, ома фиддонтæ тыхæй бафидыны онг", — хъусын кæны Пухаты Эрикы ныхæстæ йæ пресс-службæ.

Хицауады куыд банысан кодтой, афтæмæй Хуссар Ирыстоны хæс электроэнергийы сæйраг ифтонггæнæг — уæрæсейаг компани "Интер-РАО"-йы раз абоны бон у 320 милуан сомы, газы ифтонггæнæг — "Газпром"-ы раз та — 225 милуан.

"Афтæ ацы азы фараст мæйы мидæг электроэнергийы фæдыл фиддонты суммæ хъуамæ уыдаид 263 милуан сомæй фылдæр, æмбырд та æркодтам æрмæстдæр 160 милуан сомы, газ нын рахицæн æрцыд 85 милуан сомы аргъ, фиддонтæ та æрæмбырд кодтам æрмæстдæр 55 милуан сомы", — хъусын кæны хицауады пресс-службæ.

Фиддонтæ æрмæст цæрджыты иу хай нæ фиды, фæлæ ма кæцыдæр коммерцион æмæ бюджетон организацитæ. Кæд æмæ фыццæгтæ фидынц фиддонтæ юридикон гоймæгты хуызы, уæд бюджетон организацитæн та ацы нысанæн фæрæзтæ хицæн цæуынц паддзахадон бюджетæй. Фæлæ афтæ дæр, пресс-службæйы ныхæстæм гæсгæ, хæстæ уæддæр фыст нæ цæуынц рæстæгыл.

Ног хабӕртты лентӕ
0