Бибылты Анатолий: "Аланты" турнир суыдзæн "чысыл Олимпиаг хъæзтытæ"

© Пресс-служба президента РЮОПрезидент Южной Осетии Анатолий Бибилов выступил с речью на Международном турнире по вольной борьбе "Аланы"
Президент Южной Осетии Анатолий Бибилов выступил с речью на Международном турнире по вольной борьбе Аланы - Sputnik Хуссар Ирыстон
Рафыссын
Хуссар Ирыстоны президент Бибылты Анатолий раныхас кодта уæгъдибар хъæбысхæстæй æхсæнадæмон турнир "Аланты"

ЦХИНВАЛ, 20 ноя — Sputnik. Хуссар Ирыстоны президент райста хайад уæгъдибар хъæбысхæстæй турнир "Аланты" æрбайгомы, кæцы ацыд ацы улæфт бонты Дзæуджыхъæуы, хъусын кæны президенты пресс-службæ.

Рæмонаты Сослан - Sputnik Хуссар Ирыстон
Рæмонаты Сослан рахиздзæн гауызмæ æхсæнадæмон турниры Дзæуджыхъæуы

Ерысты æрбайгомы церемони бындуриуæг кодта нарты кадджыты сюжетыл.

Цæгат Ирыстоны сæргълæууæг Битарты Вячеслав æгас цу загъта турниры хайадисджытæ æмæ уазджытæн æмæ равдыста ныфс, цæмæй ацы турнир уагъд цæуа РЦИ-Аланийы æрвылаз дæр.

Бибылты Анатолий банысан кодта мадзалы бæрзонд æмвæзад.

"Нæ дызæрдыг кæнын, ацы фæзуат тагъд рæстæджы кæй схондзысты "чысыл Олимпиаг хъæзтытæ" æмæ уыдон суыдзысты регулярон. Уæгъдибар хъæбысхæсты райрæзты æмвæзад Ирыстоны æмæ Кавказы æнæхъæнæй иумæйагæй афтæ бæрзонд у, æмæ ам хъуамæ уагъд цæуой спорты ацы хуызы иууыл нысаниуæгджындæр ерыстæ", — загъта Хуссар Ирыстоны президент.

Спортивон бæрæгбоны ма хайад райстой Мæхъæлы сæргълæууæг Юнус-Бек Евкуров, олимпиаг чемпионтæ Фадзайты Арсен, Таймæзты Артур æмæ бирæ æндæр зындгонд гоймæгтæ.

Ног хабӕртты лентӕ
0