Хуссар Ирыстон æмæ Уæрæсе сфидар кодтой ног Инвестпрограммæ

© Sputnik / Наталья АйриянХуссар Ирыстон æмæ Уæрæсе сфидар кодтой ног Инвестпрограммæ
Хуссар Ирыстон æмæ Уæрæсе сфидар кодтой ног Инвестпрограммæ - Sputnik Хуссар Ирыстон
Рафыссын
2018-2019 азтæн Инвестицион программæйы фæлгæтты уæрæсейаг бюджетæй Хуссар Ирыстонæн рахицæнгонд æрцæудзæн 4 миллиард сомы

ЦХИНВАЛ, 13 дек — Sputnik, Козаты Диана. Уæрæсейы вице-премьер Александр Хлопонин бæрзонд аргъ скодта Инвестицион программæйы реализацийæн æмæ республикæйы хицауадимæ иумæйаг куыстæн.

Цхинвалы уагъд цæуы уæрæсейаг-хуссарирыстойнаг æхсæнхицауадон къамисы рабадт - Sputnik Хуссар Ирыстон
Хлопонин: Уæрæсе æххæст кæны Хуссар Ирыстоны фæдыл хæсисттæ

Хуссар Ирыстоны æртыццæджы уагъд æрцыд уæрæсейаг-хуссарирыстойнаг æхсæнхицауадон къамисы рабадт. Фарсытæ сарæзтой фæстиуджытæ ныры Инвестпрограммæйæн æмæ сфидар кодтой ног Инвестпрограммæ, афтæ ма бахастой ивындзинæдтæ раздæры бафыстгонд сразыдзинæдтæм, уый нымæцы базарады режимы фæдыл.

"Фæстиуджытæ нын ис æвæрццаг, 2015-2017 азтæн фæрæзты гуырахст уыд авд миллиард сомæй фылдæр. Банысангонд æрцыд 117 объекты æмæ мадзалы, уыдонæй 105 æххæст æрцыдысты æххæст бæрцæй, аннæ хай рахызт ног æмвæзадмæ. Мах нæ куыстæн аргъ кæнæм, куыд бæрзонд æмæ æнтыстджын", — загъта Хлопонин ӔХК-ы рабадты фæстиуджыты фæдыл брифингы рæстæджы.

Уый радзырдта, ног Инвестпрограммæмæ, кæцыйы реализацийæн Уæрæсейы бюджетæй рахицæн æрцæудзæн цыппар миллиард сомæй фылдæр, бацыд 51 мадзалы.

"Уыдонæй 40 – инфраструктурæйы объекттæ, скъолатæ, сабидæттæ, донифтонгад, газифтонгад. 10 – цæугæ объекттæ, иу миллиард сомы та рагхыгъд кæнынц инвестицион проектты финанскæнынад. Ацы хæслæвæрд у ахсджиаг æмæ амбициозон, ныфс нæ ис, кæй йæ аскъуыддзаг кæндзыстæм", — загъта Хлопонин.

Хуссар Ирыстоны премьер-министр Пухаты Эрик суинаг инвестпрограммæйы ахсджиагдæр объекттыл нымайы сабидæттæ, ног доны хæтæлы арæзтад, столицæйы уынгты æмæ арæнгæрон фæндæгты цалцæг.

Александр Хлопонин - Sputnik Хуссар Ирыстон
Хлопонин радзырдта Хуссар Ирыстонæн финансон æххуысы гуырахстыл дыууæ азмæ

"Горæты арæзт æрцæудзæн дыууæ ног сабидоны, цалцæг æрцæудзысты 10 уынджы, уый нымæцы горæтгæрæтты. Донифтонгадимæ проблемæ нывæндæм аскъуыддзаг кæнын ног хæтæл Уанат – Цхинвалы арæзтады фæрцы. Ног инвестпрограммæйы ма сты æвæрд фæрæзтæ Гуфта – Къуайса æмæ Гром — Цъинагары фæндæгты арæзтады дыккаг этапæн. Адарддæр уыдзæн цæрæнуаты арæзтад", — загъта премьер.

Пухаты Эрик банысан кодта, ног Инвестпрограммæмæ кæй нæ бацыдысты туризмы райрæзты фарстытæ, "фæлæ кæд фæзына инвестор æмæ райса йæхимæ ацы къабаз, уæд нын уыдзæн æхсызгон".

Ног хабӕртты лентӕ
0