13:02 27 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Гасситы Натали

Гасситы Натали радзырдта Хуссар Иры ахуырады министрады нывæзтты тыххæй

© Sputnik / Наталья Айриян
Хуссар Ирыстоны
Чысыл дӕнцӕг
10 0 0

Sputnik Хуссар Ирыстоны пресс-центрмæ фæуазæг РХИ ахуырады министр Гасситы Натали. Уый радзырдта 2017 азы ведомствæйы куысты фæстиуджыты æмæ суинаг проектты тыххæй

ЦХИНВАЛ, 20 дек — Sputnik, Гæбæраты Ян. Хуссар Ирыстоны столицæйы финæн аз сараздзысты дыууæ сабидоны: Вокзалгæрон æмæ Суворовы уынгтыл, уый ратдзæн фадат уаргъ райсын аннæ сабидæттæй, фехъусын кодта пресс-конференцийы рæстæджы Хуссар Иры ахуырады министр Гасситы Натали.

Ацы аз министрады хъæппæрисæй уагъд æрцыдысты скъолайон олимпиадæтæ фараст дисциплинæйæ, бирæнымæц тымбыл фынгтæ æмæ конференцитæ. Уымæй дарддæр ма, ирон скъоладзаутæ уыдысты æхсæнадæмон ахуырадон лагерь "Артек"-ы æмæ Абхазы.

"Цал хатты-иу æрыздæхтысты сæ балцытæй, уал хатт иу нæ курæг уыдысты олимпиадæ ауадзын информатикæйæ. Ӕцæгæйдæр, мах рагæй нал ауагътам олимпиадæтæ ацы дисциплинæйæ, уымæн æмæ, хъæуы басæттын, информатикæйы амынд скъолаты нæй бæрзонд æмвæзадыл. Иннæ аз æй æнæмæнгæй ауадздзыстæм", — загъта Гасситы Натали.

Ахуырады системæйы хуыздæркæнынад цæудзæн активон темпы, ныфс бавæрдта министр. Цхинвалы сывæллæтты сфæлдыстадон галуаны арæзт æрцæудзæн планетарий, æрыгон техникты станцты сараздзысты фотостудитæ, скъолаты бакæндзысты релаксацион кабинеттæ.

"Ныртæккæ цæуы куыст скъолаты фæллойы кабинеттæ æнæмæнгхъæуæг кусæнгæрзтæй сифтонг кæныныл. Афтæ ма, сифтонг кæндзыстæм скъолатæ националон костюмтæй", — фехъусын кодта министр.

Журналистты фарстæн, ома ахуырады къабазы кусджыты нымæц фæкъаддæр кæндзысты æви нæ, министр банысан кодта, зæгъгæ "нæ".

Сӕйраг темӕтӕ