Хуссар æмæ Цæгат Иры цæрджыты фæивар кодтой "Лирика"-йы тыххæй

Рафыссын
Хæдтулгæйы басгæрсты рæстæджы МХМ кусджытæ ссардтой тобæгонд препараты 161 капсулæйы

ЦХИНВАЛ, 12 янв — Sputnik. Хуссар Ирыстоны Мидхъуыддæгты министрады (МХМ) кусджытæ административон бæрндзинадмæ æркодтой Цæгат Ирыстоны дыууæ æмбæстаджы æмæ иу бынæттон цæрæджы æнæзаконон æгъдауæй республикæмæ тобæгонд препарат "Лирика" æрбаласыны тыххæй, хъусын кæны уагдоны пресс-службæ.

Хæдтулгæ тобæгонд препаратимæ наркотикон буарадты парахат кæныны ныхмæ управлениейы кусджытæ æрурæрдтой æртыццæджы Дзауы районы Гуфтайы хъæуы.

Лирика - Sputnik Хуссар Ирыстон
"Лирика"-йы тыххæй Хуссар Ирыстоны бадын кæндзысты ахæстоны

Хæдтулгæ ВАЗ-2107–ы уыдысты шофыр — Цæгат Ирыстоны 33-аздзыд цæрæг æмæ ма ноджы дыууæ адæймаджы – 47-аздзыд бынæттон цæрæг æмæ 32-аздзыд уазæг Цæгат Ирæй.

"Машинӕйы басгӕрсты рӕстӕджы ссардæуыд æмæ байст æрцыд "Лирика"-йы 154 капсулæйы. Афтӕ ма пассажиртӕй иуы басгӕрст рабӕрӕг кодта уымӕ дӕр 7 капсулӕйы", — банысан кодтой мидхъуыддӕгты министрады.

Факты фӕдыл ӕрмӕджытӕ ӕрвыст ӕрцыдысты районон тӕрхондонмӕ.

Уымӕй размӕ ма ацы районы ноджы иу цӕрӕгмӕ ссардæуыд æмæ байст æрцыд республикæйы тобæгонд препарат "Лирика"-йы капсулæтæ, афтæ ма тыхтон гæн.

Хуссар Ирыстоны парламент 2015 азы райста закон, кӕцы тобӕ ӕвӕры "Лирика" ӕмӕ йӕ аналогтӕй ӕназаконон пайдакӕнынад, реализаци ӕмӕ ӕрбаластыл.

Ног хабӕртты лентӕ
0